İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 375 Hüküm no: 410 Orijinal metin no: [162-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meclis-i Mebusan’a gelen arzuhallerin ilgili nezarete tebliğ edilmesi Bâb-ı Âlî Dâire-i Sadâret-i Uzmâ Mektûbî Kalemi Aded: 76 Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Meclis-i Meb‘ûsân’a vürûd edip Arzuhâl Encümenince nezâret-i müte‘allikasına teblîğine karâr verilen müsted‘iyât-ı kesîreden herbiri hakkında ayrıca tezkire-i mahsûsa tastîriyle cevâblarının da tezâkir ile i‘tâ edilmesi gerek Meclis-i Meb‘ûsân’a gerek devâir aklâmını bî-sûd bir sûretde işgāl eylemekde olmasına binâen ba‘de-ezîn levâyih ve sâire gibi husûsât-ı mühimme müstesnâ olmak üzere sâlifü’z-zikr istid‘ânâmelerin Arzuhâl Encümenince ba‘de’t-temşiye mazrûfen irsâli tensîb edildiğinden cevâblarının da istid‘ânâme-i mürsel zîrine tahrîri lüzûmu Meclis-i Meb‘ûsân Riyâset-i celîlesinin iş‘ârı üzerine umûm devâire teblîğ edilmiş olmağla taraf-ı âlî-i meşîhat-penâhîlerince de iktizâsının îfâ buyurulması bâbında emr u irâde hazret-i vilâyet lehu’l-emrindir. Fî 20 Cemâziyelûlâ sene 327, fî 27 Mayıs sene 325. Sadrıa‘zam Hüseyin Hilmi