İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 389 Hüküm no: 423 Orijinal metin no: [170-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muhakeme edilen memurlar hakkında yapılan tahkikatın kaydedildiği defterlerin tetkiki Şûrâ-yı Devlet Aded: 19 Taraf-ı Âlî-i Cenâb-ı Meşîhat-penâhî’ye, Ma‘rûz-ı bende-i dîrîneleridir, Bazı şu‘abât-ı idârede vukū‘a getirilen açıklardan dolayı taht-ı muhâkemeye alınmış olan me’mûrîn hakkında icrâ edilmekde bulunan tahkīkāt-ı istintâkiyede açığın sûret-i vukū‘uyla mikdârına kesb-i ıttılâ‘ edilmek üzere şu‘abât-ı mezkûrede tutulması iktizâ eden defâtirin tedkīkine lüzûm-ı kānûnî his olunduğu hâlde vukū‘ bulan teblîgāt-ı mükerrereye cevâb i‘tâ olunmadığından mu‘âmelât-ı istintâkiyenin teahhur ve teşettüte ve ashâb-ı mesâlih ve Hazîne hukūkunun teahhuruna mahâl bırakılmamak üzere müvekkillerine âid de‘âvîyi te‘akkubda tesâmuh ve tekâsül gösterilmemesinin hukūk müşâvirleriyle da‘vâ vekîllerine teblîğinin devâir-i merkeziyeye iş‘ârı lüzûmu mustantıklıktan verilen müzekkire üzerine Bidâyet Mahkemesi’nden ifâde kılınmış ve devâir-i sâireye teblîgāt icrâ edilmiş olmağla Dâire-i Celîle-i Fetvâ-penâhîlerince de îfâ-yı muktezâsına müsâ‘ade-i celîle-i meşîhat-penâhîleri şâyân buyurulmak bâbında emr u fermân hazret-i men-lehu’l-emrindir. Fî 17 Receb sene 327 ve fî 22 Temmuz sene 325. Şûrâ-yı Devlet Reisi Raif