İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 402 Hüküm no: 441 Orijinal metin no: [178-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Akka sancağı şer‘iye mahkemesi kâtibinin memuriyetini bırakması üzerine yerine başkasının tayin edilmesi İstanbul Kādılığı’na, Fazîletlü Efendim Hazretleri, Akka Sancağı Mahkeme-i Şer‘iyye kâtibinin terk-i me’mûriyet eylediği cihetle yerine diğeri ta‘yîn olunup îfâ-yı vazîfeye mübâşeret ettiğine dâir livâ-i mezkûr niyâbet-i şer‘iyesinden vârid olan tahrîrât Meclis-i İntihâb-ı Hükkâm’a lede’l-havâle ketebenin ta‘yîni mahallerine âid ise de kefâlet-i müteselsileye rabtı îcâb edeceğinin niyâbet-i mezkûreye cevâben ve sâir nüvvâba ta‘mîmen iş‘ârı ifâde olunarak îcâbı icrâ kılınmış ve mülhakāta gönderilmek üzere işbu tahrîrâtın nüsah-ı kâfiyesi leffen irsâl edilmiş olmağla ma‘iyet-i fâzılânelerinde bulunan ketebe haklarında dahi ol vechile mu‘âmele olunması siyâkında tezkire-i senâverî terkīm olundu efendim. Fî 6 Şevval sene 1327 ve fî 8 Teşrîn-i evvel sene 1325. Şeyhülislâm Sahib