İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 425 Hüküm no: 472 Orijinal metin no: [190-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Memurların devletin siyasi ve idari meseleleri hakkında gazetelerde makale yazmamaları İstanbul Kādılığı’na, Fazîletlü Efendim Hazretleri, Me’mûrîn-i hükûmetin gazetelerle resâil-i mevkūtede devletin mesâil-i siyâsiye ve idâriyesi hakkında makālât neşretmeleri kat‘iyyen gayr-ı câiz ve hizmet-i hükûmetde bulunanların bu esâs hilâfında hareket eyledikleri takdîrde haklarında mu‘âmele-i lâzıme icrâ olunacağı derkâr olduğundan îcâb edenlere teblîgāt ve tenbîhât îfâsını ta‘mîmen devâir-i merkeziyeye teblîğ olunduğu fî 17 Muharrem sene 1328 târihli ve iki yüz kırk dört adedli tezkire-i sâmîye ile iş‘âr buyurulmağla ona göre hareket olunması siyâkında tezkire-i muhlisî terkīm olundu. Fî-gurreti Safer sene 1328 ve fî 30 Kânûn-ı sânî sene 1325. Şeyhülislâm Hüseyin Hüsnü