İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 437 Hüküm no: 486 Orijinal metin no: [198-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meclis-i Mebusan’a yapılan müracaat ve şikayetlere geciktirmeden cevap verilmesi Sadâret’den 30 Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Ashâb-ı mesâlih tarafından Meclis-i Meb‘ûsâna vukū‘ bulan mürâca‘at ve şikâyâtın mukārin-i hakīkat olup olmadığının te‘ayyün edilen isti‘lâmlara cevâb i‘tâsına mütevakkıf bulunduğu hâlde bazı devâirce i‘tâ-yı cevâbda vukū‘a getirilen teahhur devre-i ictimâ‘iyenin takarrub-ı hitâmı münâsebetiyle herbâr mürâca‘at etmekte olan ashâb-ı mesâlihin sızıldısını mûceb olduğundan işin bir an evvel arkası alınmak üzere vukū‘ bulan suâllere sür‘at-i mümkine ile cevâb i‘tâsı lüzûmu Meclis-i Meb‘ûsân Riyâset-i celîlesinden inbâ ve bi’l-umûm devâire teblîgāt îfâ kılınmış olmağla Dâire-i Celîle-i Meşîhat-penâhîce de icrâ-yı îcâbı bâbında emr u irâde hazret-i men-lehu’l-emrindir. Fî 22 Rebî‘ülevvel sene 1328, fî 21 Mart sene 1326. Sadrıa‘zam Hakkı