İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 461 Hüküm no: 518 Orijinal metin no: [210-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Düstur’un meşrutiyet devri kanun ve nizamları ile resmi vesikalara mahsus olan kısımlarının düzenlenerek basılması Şûrâ-yı Devlet Aded: 27 Huzûr-ı Âlî-i Cenâb-ı Meşîhat-penâhî’ye, Ma‘rûz-ı bende-i dîrîneleridir, Düstûrun devr-i meşrûtiyet kavânîn ve nizâmâtıyla vesâik-i resmiye-i müteferri‘asına mahsûs olan aksâmının tesrî‘-i tertîb ve tab‘ı muktezâsı bulunduğundan ve bunun husûlü ise vesâiti henüz istikmâl edilememiş olan Düstûr Encümeni’ne devâir-i devletin her türlü mu‘âvenât ve teshîlâtı dirîğ eylememesine mütevakkıf olduğundan [211] bahisle encümen tarafından şu‘abât-ı hükûmete irsâl olunan müzekkirelere bilâ-imhâl cevâb i‘tâsı ve istenilen kavânîn ve nizâmât ve mukāvelât sûretlerinin okunaklı yazı ile ve asıllarına mutâbık olarak tahrîrine be-gāyet dikkat ve i‘tinâ kılınarak teahhurât ve sehviyâta mahâl bırakılmaması lüzûmunun ta‘mîmen devâir-i merkeziyeye iş‘ârı Düstûr Encümeni’nden bâ-müzekkire ifâde edilmiş ve îcâbı icrâ kılınmış olmağla makām-ı âlî-i fetvâ-penâhîlerince de iktizâsının îfâsına himmet-i aliyyeleri masrûf buyurulmak bâbında emr u fermân hazret-i men-lehu’l-emrindir. Fî 15 Şevval sene 328 ve fî 6 Teşrîn-i evvel sene 326. Şûrâ-yı Devlet Reisi Necmeddin