.:: İstanbul Kadı Sicilleri ::.


Kartal Mahkemesi 1 Numaralı Sicil (H. 1128-1133 / M. 1716-1721)
cilt: 62, sayfa: 62
Hüküm no: 17
Orijinal metin no: [5a-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Kartal köyünden vefat eden Hüseyin'in terekesinin taksimi

Defter-i oldur ki,

Medîne-i Üsküdar’a muzâfe Adalar nâhiyesine tâbi‘ Kartal nâm karye sâkinlerinden iken bundan akdem vefât eden Hüseyin b. Musa nâm kimesnenin verâseti zevce-i metrûkesi Fâtıma bt. Hasan nâm hatun ile li-ebeveyn kız karındaşı diğer Fâtıma Hatun’a ve li-ebin er karındaşı Mehmed nâm müteveffânın sulbî kebîr oğlu Hasan nâm kimesneye münhasıra olduğu şer‘an zâhir oldukdan sonra müteveffâ-yı mezbûr hayatında mecmû‘-ı mâlının sülüsünü vücûh-ı birre vasiyyet ve tenfîzine zevcesi mezbûre Fâtıma Hatun’u vasî nasb ve ihtiyâr eylediği şer‘an sâbit olmağla vasiyy-i mezbûre ile verese-i mezbûrân talebleriyle müteveffâ-yı mezbûrun tahrîr olunan eşyâsıdır ki ber-vech-i âtî zikr olunur.

Fi’l-yevmi’s-sânî min-Şevvâli’l-mükerrem li-sene hamse ve selâsîn ve mi'e ve elf.

Güğüm, 2 600 akçe Tencere, 3 350 akçe Leğen 1, sahan 4 370 akçe Sini, 1 200 akçe Kebîr tâbe 900 akçe Kazgan, 1 600 akçe Yorgan, 2 100 akçe Beyâz sâde, 1 100 akçe Köhne nîmten, 1 30 akçe Dakīk, 2 keyl 160 akçe Buğday, 4 keyl 240 akçe Merkeb, 1 300 akçe Bel, 4 240 akçe Çapa, 2 60 akçe Sini, 1 200 akçe Nükūd 9.600 akçe Der-zimmet-i Kara Mustafa 2.080 akçe Cedîd menzilde nısf hisse 4.800 akçe Atîk menzil, 1 3.000 akçe Nısf …? bağı karye-i mezbûre toprağında vâki‘ 1.800 akçe Ze‘âmet toprağında vâki‘ Horabağı, 6 dönüm 24.000 akçe Mezrû‘ kabak ve soğan 1.300 akçe

Cem‘an yekûn: 51.030

Minhe’l-ihrâcât:

Deyn-i müsbet-i mihr-i müeccel li’z-zevceti’l-mezbûre 4.000 akçe Deyn-i müsbet-i Bekâr Mustafa 360 akçe Deyn-i müsbet-i Hasan 1.200 akçe Resm-i kısmet-i âdî 1.275 akçe Kâtibiye 360 akçe Hüddâmiye 360 akçe Çukadâriye 120 akçe Dellâliye ve masârıf-ı lâzıme 965 akçe

Cem‘an yekûn: 8.620

Sahhu’l-bâkī: 42.410

Minhe’s-sülüs: 14.130

Sahhu’l-bâkī: 28.280

Hissetü’z-zevce 7.070 akçe Hissetü’l-uht li-ebeveyn 14.140 akçe Hissetü’l-ibn-i’l-eh li-ebin 7.070 akçe