Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 73 Hüküm no: 37 Orijinal metin no: [9b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dergâh-ı âlî yeniçerileri ağası ahırlarına Kartal'dan toplanacak saman için Ahmed Beşe'nin mübaşir tayin edilmesi Kazâ-i Kartal Kantâr: 60 aded Bâ‘is-i tahrîr budur ki, İşbu bin yüz yirmi dört senesine mahsûb olmak üzere mu‘tâd-ı kadîm ve işbu sâbık üzere Dergâh-ı âlî yeniçerileri ağası hazretlerinin âhû[r]larına verilegelen samanın defter-i nâtık mûcebince İznikmid kolunda vâki‘ Kartal kazâsına isâbet eden altmış kantar samanın vakti ve zamânı hulûl eylemekle zikri üzere tahsîl ve tara[fı]mıza getirmek içün yedinci bölüğün kapıkethüdâsı Ahmed Beşe’yi mübâşir nasb ü ta‘yîn ve işbu memhûr temessüğü yedine verilmişdir. İnşâallâhu te‘âlâ memhûr temessük vusûlünde kazâ-i mezbûra isâbet eden altmış kantar samanı cem‘ ü tahsîl edip âharı dahl ü ta‘arruz eylemeye. Tahrîren 15 şehr-i Cumâdelûlâ sene erba‘a ve ışrîn ve mi'e ve elf. el-Hâc Ağa-yı Kethüdâ-i Yeniçeri bâ-fermân-ı âlî hâlâ. …? mâlından bâ-fermân-ı âlî gelen Halîfe Üsküdar nâibi efendi, çavuş mübâşeretiyle şer‘le görüle deyü buyuruldu, i‘lâm ede deyü, Mavridi v. Hastodoli fermân-ı şerîf mûcebince mübâşire teslîm.