Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 78 Hüküm no: 44 Orijinal metin no: [12a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sefer-i hümayun için sürsat bedeli malını toplamaya memur olan Halil Ağa'nın vekili Osman Ağa'ya yardımcı olunması emri İzzet-meâb nâhiye-i Adalar ve nâhiye-i Şile nâibleri efendiler -dâme mükerremen- Ba‘de’t-tahiyye ve’t-tekrîm inhâ olunur ki, işbu sene-i mübârekede vâki‘ sefer-i hümâyûn içün sürsat ve iştirâ cem‘ine bâ-fermân-ı âlî memûr olan izzetlü Halil Ağa tarafından vekîl nasb eylediği râfi‘u’l-mürâsele Osman Ağa tarafımıza gelip tahsîline mübâşir olduğu fermân-ı âlîde tasrîh olunduğu vech üzere icâleten cem‘ ü tahsîl ve dâhil-i Hazîne-i âmire olmak bâbında müekked fermân-ı vâcibü’l-imtisâl sâdır olmağla bi’l-emsâl mürâsele tahrîr ve irsâl olundu, gerekdir ki vusûlünde her biriniz nâhiyelerinize ber-mantûk-ı defter isâbet eden mâl-ı mîrî mübâşir-i mûmâ-ileyh ma‘rifetiyle tahsîle her biriniz takayyüd ve ihtimâm edip mazmûn-ı emr-i âlî âmil olasız ve’s-selâm bi’l-ikrâm. Fî 4 min-şehri Rebî‘ülevvel sene 1128 El-Fakīr el-Hâc Ahmed el-müvellâ-hilâfeten bi-medîneti Üsküdar.