Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 86 Hüküm no: 61 Orijinal metin no: [16a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yeniçeri ağasının davarları için saman tedariki Bâ‘is-i tastîr-i hurûf budur ki, Kānûn-ı kadîm ve sene-i sâbık üzere devletlü sa‘âdetlü veliyyü’n-ni‘am yeniçeri ağası efendimizin davarları içün verilegelen İznikmid ili saman defterinde mastûr olan Gekbüze kazâsı yüz kantar ve Adalar kazâsı altmış kantar min-haysü’l-mecmû‘ yüz altmış kantar samanın dârende-i temessük yedinci bölüğün kapıkethüdâsı Ahmed Beşe’ye tahsîli tefvîz ve sipâriş olunmağın yedine işbu memhûr temessük vaz‘ olundu ki taraf-ı âhardan bir ferd mâni‘ ve müzâhim olmaya. Tahrîren fî 18 C sene 1126 El-Fakīr Ali Ağa memûr-ı tahsîl-i saman.