Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 577 Hüküm no: 708 Orijinal metin no: [124a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Anaştaş Reis v. Panayot’un Yorgi v. Yani’ye borcu olduğu Medîne-i Galata’da Sultan Bayezid mahallesinde sâkin Anaştaş Reis v. Panayot v. Yani nâm zimmî meclis-i şer‘-i şerîf-i lâzımü’t-teşrîfde mahalle-i mezbûre sükkânından eniştesi işbu bâ‘isü’l-kitâb Yorgi v. Yani nâm zimmî muvâcehesinde bi’t-tav‘i’s-sâf ikrâr ve i‘tirâf edip mezbûr Yorgi’ye cihet-i deyn-i şer‘îden dört yüz seksen üç guruş deynim olup hâlâ meblağ-ı mezbûr dört yüz seksen üç guruş mezbûr Yorgi’ye vâcibü’l-edâ ve lâzımü’l-kazâ zimmetimde deynimdir dedikde mezbûr Yorgi dahi mukırr-ı merkūm Anaştaş’ın ikrâr-ı meşrûhunu bi’l-muvâcehe tasdîk ve bi’l-müşâhede tahkīk etmeğin mâ vaka‘a bi’t-taleb ve’l-ibtigā ketb ve imlâ olundu. Fi’l-yevmi’r-râbi‘ min Şevvâli’l-mükerrem li sene seb‘a ve tis‘în ve elf. Şuhûdü’l-hâl: Mehmed Çelebi b. Zülfikār, el-Hâc Mehmed b. Nuh, Nuri Çelebi b. Ahmed, Kurd Çelebi b. İsmail Beşe, el-Hâc Mustafa b. Yakub, İbrahim b. Musli, İbrahim Çelebi b. Ahmed, Hüseyin b. Mehmed.