Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 98 Hüküm no: 83 Orijinal metin no: [19b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Adalar nahiyesi naibi İsmail Efendi'ye vergileri göndermesi emri Fahrü’l-kuzât hâlâ Adalar nâibi izzetlü İsmail Efendi el-mükerrem ba‘de’s-selâm inhâ olunur ki, işbu sene ışrîn ve mi'e ve elf Recebi’l-müreccebi gurresinden ancak Adalar’ın umûr-ı kısmet-i askeriyesi tarafımızdan cenâbınıza tefvîz ve sipâriş olunmuşdur, gerekdir ki vâki‘ olan mevtâ-yı askerî muhallefâtını tahrîr ve taksîmden sonra sa‘âdetlü veliyyü’n-ni‘am hazretlerine âid olan rüsûm ve mahsûlü tarafımıza irsâl buyurasız ve eğer mevâdd-ı mu‘azzama vâki‘ olursa kable’t-tahrîr tarafımıza i‘lâm eyleyesiz ve’s-selâm. Hurrire fi’t-târîhi’l-mezbûr. Mine’l-muhlis el-fakīr Mustafa Fevzi el-Kassâmü’l-askerî bi-kazâi Üsküdar el-mahrûse.