Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 198 Hüküm no: 292 Orijinal metin no: [52a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mevkufat defterine göre toplanması gereken paranın tahsili İzzet-meâb nâhiye-i Ada nâibi efendi el-mükerrem Ba‘de’s-selâm inhâ olunur ki, işbu bin yüz yirmi sekiz senesine mahsûb olmak üzere husûs-ı mezbûra mübâşir ta‘yîn olunan fahrü’l-akrân Hasan Ağa yediyle vârid olan emr-i âlîşân ve ber-mûceb-i sûret-i defter-i mevkūfât Üsküdar kazâsından kadîmden olageldiği vech üzere mübâşir-i mezbûrun yedine verilen defter sûreti mantûkunca zikr olunan karye ahâlîsi üzerlerine edâsı lâzım gelen meblağı mübâşir-i mezbûr yediyle cem‘ [ve] tahsîl olunmak üzere tâlib-i mürâsele olmağın tahrîr ve irsâl olundu. Vusûlünde gerekdir ki emr-i şerîf-i âlîşân tasrîh olunduğu üzere meblağ-ı mezbûru mübâşir-i merkūma cem‘ ve tahsîl etdirdip mûceb-i emr-i şerîf-i âlîşân ile âmil olasız ve’s-selâm. Fî min-Muharremi’l-harâm sene 1128 El-Fakīr Abdurrahman el-müvellâ-hilâfeten bi-medîneti Üsküdar