Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 199 Hüküm no: 293 Orijinal metin no: [52b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Adalar nahiyesindeki değirmenciyan ve tırpancıyandan toplanacak avarız ve bedel-i nüzûlleri gösterir defter ve konuyla ilgili hüküm İşbu bin yüz yirmi sekiz sene[sine] mahsûb olmak üzere husûs-ı mezbûra mübâşir ta‘yîn olunan Hasan Ağa yediyle vârid olan fermân-ı şerîf-i âlîşân ve ber-mûceb-i defter-i mevkūfât Üsküdar kazâsına tâbi‘ Adalar nâhiyesinde vâki‘ olup kadîmden olageldiği vech üzere zikri âtî kurâya isâbet eden avârız ve bedel-i nüzûl maktû‘ları mukābelesinde değirmenciyân ve tırpancıyân tekâlîfi defteridir ki, ber-vech-i âtî zikr olunur. Hurrire fi’l-yevmi’l-âşir min-Muharremi’l-harâm li-sene semân ve ışrîn ve mi'e ve elf. Karye-i Yakacık Meblağ 2.000 Karye-i Soğanlık Meblağ 2.200 Karye-i Kurd Meblağ 1.600 Karye-i Karaaliler Meblağ 1.700 Karye-i Emirli Meblağ 850 Karye-i Kavaklı Meblağ 500 Karye-i Salih Meblağ 700 Karye-i Semendire Meblağ 2.000 Karye-i Yenice Meblağ 600 Karye-i Kadı Meblağ 3.000 Karye-i Nerdübanlı Meblağ 1.800 Karye-i Serkebir Meblağ 2.200 Karye-i Viran Meblağ 1.500 Karye-i Karaman Meblağ 2.000 Karye-i Dudullu Meblağ 3.000 Karye-i Kartal Meblağ 500 Karye-i Pendik Meblağ 1.000 Cem‘an yekûn: 24.450 meblağ Hurrire hâze’d-defter el-mersûm nemekahû el-fakīru ileyhi azze şânühû Abdurrahman el-müvellâ-hilâfeten bi-medîneti Üsküdar Akzâ kuzâti’l-müslimîn evlâ vülâti’l-muvahhidîn ma‘denü’l-fezâil ve’l-yakīn râfi‘û a‘lâmi’ş-şerî‘ati ve’d-dîn vârisü ulûmi’l-enbiyâi ve’l-mürselîn el-muhtassûn bi-mezîdi inâyeti’l-meliki’l-mu‘în Haslar ve Galata ve Üsküdar kādıları -zîdet fezâilühüm- ve kıdvetü’l-kuzât ve’l-hükkâm ma‘denü’l-fazl ve’l-kelâm mevlânâ Ço[r]lu kādısı -zîde fazluhû- ve mefâhirü’n-nüvvâb ve’l-müteşerri‘în Küçükçekmece ve Büyükçekmece ve Çatalca ve Terkos ve Silivri ve Ereğli nâhiyeleri nâibleri -zîde ilmuhum- tevkī‘-i refî‘-i hümâyûn vâsıl olucak ma‘lûm ola ki, mevkūfât defteri mûcebince zikr olunan kazâ ve nâhiyelerin dört yüz on dört buçuk avârız ve nüzûl hâneleri olup her bir avâ[rı]z hânelerinden dörder yüz yirmi dokuzar akçe avârız ve altışar yüz akçe bedel-i nüzûlleri ve kırk bir buçuk ve birer rub‘ hânelerinden üçer yüz yirmişer akçe avârız ve altışar yüz akçe bedel-i nüzûlleri ve iki yüz atmış üç buçuk guruş değirmenciyân ve tırpancıyân maktû‘ olup bin yüz yirmi sekiz senesine mahsûb olmak üzere cem‘ ve tahsîl olunmak lâzım gelmeğin imdi ta‘yîn olunan mübâşirin yedine verilen mühürlü ve nişânlı mevkūfât defteri sûreti mûcebince cem‘ ve tahsîl ve dâhil-i hazîne-i âmire etdirilmek fermânım olmuşdur. Buyurdum ki, hükm-i şerîfimle.