Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 206 Hüküm no: 310 Orijinal metin no: [55a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed'in, ailesini zorla götürdüğünü iddia eden Mustafa'nın, bunu ispatlayamadığı Medîne-i Üsküdar muzâfâtından Adalar nâhiyesine tâbi‘ Kavaklı karyesi sâkinlerinden Mustafa b. İvaz nâm kimesne meclis-i şer‘-i şerîf-i lâzımü’t-tevkīrde yine karye-i mezkûre sâkinlerinden Mehmed b. İbrahim nâm kimesneyi meclis-i şer‘a ihzâr ve üzerine da‘vâ edip târîh-i kitâbdan üç gün mukaddem mezbûr Mehmed evime gelip iyâlimi gece içinde ıdlâl edip alıp kendü üvey vâlidesi İsmihan’ın evine iletdi, suâl olunsun, takrîri tahrîr olunmak matlûbumdur dedikde ve üç dört adam ile vardık, ehlimi ol hânede buldum dedikde, gıbbe’s-suâl ta‘lîm edip ol hâneye götürdüğün külliye ile inkâr etdikde müdde‘înin sıdk-ı makālini mübeyyin beyyine taleb olundukda ta‘lîm ve ıdlâl ve haber alıp gitdiğin bi’l-külliye ityân-ı beyyineden aczden sonra müdde‘â-aleyh Mehmed’e yemîn teklîf olundukda gündüz ta‘lîm ve ıdlâl etmediğine ve cebren iletmediğine ve haberi ilmi iğvâdan bir vechile haberdâr olmadığına yemîn etdikden sonra mezkûr Mehmed ıtlâk olunduğu mâ-hüve’l-vâki‘ bi’t-taleb. Hurrire fî-şehri Cemâziyelevvel sene selâse ve ışrîn ve mi'e ve elf. Şuhûdü’l-hâl: İmâm ve İvaz Beşe ve Ahmed Beşe ve Ahmed Çelebi ve gayruhum