Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 207 Hüküm no: 314 Orijinal metin no: [55b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Adalar kısmet-i askeri vazifesinin İsmail Efendi'ye verildiği Fahrü’l-kuzâti’l-kirâm hâlâ Adalar nâibi izzetlü İsmail Efendi el-müncel Tahiyyât-ı sâfiye ve teslîmât-ı vâfiye ithâfı siyâkında işbu sene selâse ve ışrîn ve mi'e ve elf Recebi’l-ferdi gurresinden adalar nâhiyesinin umûr-ı kısmet-i askeriyesi tarafımızdan cenâblarına tefvîz ve sipâriş olunmuşdur. Gerekdir ki, nâhiye-i mezbûrede vâki‘ olan mevtâ-yı askeriye muhallefâtını tahrîr ve beyne’l-verese taksîm edip sa‘âdetlü, inâyetlü veliyyü’n-ni‘am kādılar efendimiz hazretlerine âid olan rüsûm ve mahsûlü tarafımıza irsâl buyurasız, fe-emmâ mevâdd-ı mu‘azzama vâki‘ oldukda kable’t-tahrîr tarafımıza i‘lâm eyleyesiz ki iktizâsına göre hareket olunur ve’s-selâm. Hurrire fi’t-târîhi’l-mezbûr. El-Fakīr Salih Mehmed Nev‘îzâde el-Kassâmü’l-askerî bi-kazâi Üsküdar.