Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 264 Hüküm no: 407 Orijinal metin no: [78a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalyon, fırkate ve kalyataların tamiri için gerekli malzemenin temini Şerî‘at-şi‘âr Yoros ve Adalar ve Şile kazâlarında nâibü’ş-şer‘ olan efendiler hazerâtı huzûrlarına ba‘de’t-tahiyyât ve’t-teslîmât inhâ olunur ki, bâ‘is-i mektûb Donanma-yı hümâyûn kalyonları ve fırkateleri ta‘mîrât-ı lâzımesi için mevcûd-ı mahzen bulunmayan ecnâs-ı keresteden Üsküdar korularından kat‘ ve Üsküdar iskelesine naklolunan kereste ne mikdâr kereste kat‘ ve naklolunagelmiş ise mahzen-i çûbdan derkenâr olunup mûcebince kat‘ ve nakletdirilmek bâbında emr-i şerîf-i âlîşân verilmek ricâsına i‘lâm etmeğin mahzen-i çûbda görüldükde altmış aded tulumba-i çam ve dört yüz aded çapa-i demir ve üç yüz aded preçol-ı palamut ve üç yüz elli aded ıskarmoz-ı kalyon ve yüz yirmi aded çapa-i ser-i kalyon ve yüz seksen aded eğri tahta-i kalyon ve seksen aded kol kayalık ve dört yüz seksen aded oda kayalık ve bin beş yüz aded nakışlık-ı fırkate ve kalyata ve bin beş yüz aded preçol-ı kebîr ve sagīr-i fırkate ve üç yüz aded engü-i kalyata ve fırkate ve altı yüz aded kemere-i fırkate ve iki yüz aded vilistralye-i fırkate, ve seksen aded makaslık-ı kalyata ve dört yüz aded doldurma-i fırkate ma‘a kalyata ve yedi yüz aded vurdinar-ı tahta kalyon iktizâ eylediği derkenâr olundukda imdi mûcebince amel olunmak bâbında tarafımıza hitâben fermân-ı celîlü’ş-şân şeref-yâfta-i sudûr bulmağın mûcebince mektûb tahrîr ve hâssa hasekilerinden kıdvetü’l-emâsil ve’l-akrân Mehmed Haseki -zîde kadruhû- mübâşir ta‘yîn ve irsâl olunmuşdur. Vusûlünde gerekdir ki, sâdır olan fermân-ı celîlü’ş-şânımın mazmûn-ı münîfinin şer‘le icrâsına dikkat ve sa‘y-i ihtimâm eyleyip hilâf-ı emr-i âlî hareketden ihtirâz eyleyip mûcebince mektûb ile âmil olasız. Sekbânbaşı Mustafa. Kad vasale ileynâ fî 26 şehr-i mezbûr. Defter-i lâzıme mühimmât-ı kalyon ve kalyata ve fırkatehâ-i Donanma-yı hümâyûn an-kazâhâ-i mezkûr el-vâki‘ der-sene 1129 Kazâ-i Yoros Tulumba-i çam Fî 13 60 aded Çapa-i demir kalyon 100 aded Çapa-i ser kalyon 60 aded Eğri tahta-i kalyon Bağlama-i kalyata ve fırkate 400 aded Preçol-ı sagīr kalyata ve fırkate 200 aded Yekûn-ı esnâs-ı kıt‘â[t] 900 Nâhiye-i Adalar Bağlama-i kalyata ve fırkate 350 aded Preçol-ı kebîr kalyata ve fırkate 300 aded Kemere-i kalyata ve fırkate 300 aded Çapa-i demir kalyon 100 aded Ser çapa kalyon 60 aded Yekûn-ı ecnâs-ı kat‘ât 1.110 Nâhiye-i Şile Çapa-i demir kalyon 100 aded Preçol-ı kebîr kalyon 150 aded Preçol-ı palavra kalyon 350 aded Bağlama-i kalyata ve fırkate 750 aded Doldurma-i kalyata ve fırkate 300 aded Yekûn-ı ecnâs-ı kat‘ât 1.550 Fî 5 Şevvâl sene 1129 Mahzen-i çividen.