Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 287 Hüküm no: 443 Orijinal metin no: [87b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tuzla, Eskihisar, Eyne Hacı ve Hereke iskelelerinde bulunan odunların bir an önce İstanbul'a gönderilmesi Şerâyi‘-şi‘âr Kartal ve Gekbüze ve Eyne Hacı ve Taşköprü kādıları -zîde fazluhum- ve kazâ-i mezbûrûnda vâki‘ yeniçeri serdârları -zîde kadruhum- inhâ ve i‘lâm olunan oldur ki, Tuzla ve Eskihisar ve Eyne Hacı ve Hereke ve sâir iskelelerde bulunan odun kayıkları tahmîl edip bir gün evvel ve bir sâ‘at mukaddem irsâl edip ibâdullâhın zarûreti def‘ine dikkat-i tâm eyleyesiz. Odun bu tarafda kıllet üzere olup ve âmme-i nâsa bi-eyyi hâl mühim ve muktezî olduğu cihetden işbu mektûb tahrîr ve kıdvetü’l-emâsil ve’l-akrân elli altı bölüğün Ahmed’e irsâl olundu. Vusûlünde gerekdir ki iskelelerde mevcûd olan sefinelere tahmîl ve icâleten Âsitâne-i sa‘âdete îsâl etmekde cümleniz dikkat ve ihtimâm üzere ola. Bundan akdem Âsitâne-i sa‘âdetde mûcebince fermân ve mûcebince mektûb sâdır olmağla. Fî 15 Zilhicce sene 1131 Mehmed, Ağa-yı Yeniçeriyân-ı Dergâh-ı âlî.