Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 293 Hüküm no: 453 Orijinal metin no: [89b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Olumsuz hareketlerinden dolayı Samandıra'dan Mehmed ve Yasakçı Hasan'ın mahkeme edilmek üzere İstanbul'a getirilmesi Kıdvetü’n-nüvvâbi’l-müteşerri‘în Adalar nâhiyesinde nâibü’ş-şer‘ olan efendi -zîde ilmuhû- ve kıdvetü’l-emâsil ve’l-akrân Kartal serdârı (°) -zîde kadruhû- inhâ olunur ki, kazâ-i mezbûra tâbi‘ Samandıra nâm karye sükkânından Mehmed nâm kimesnenin kendü hâlinde olmadığı haber verilip ol tarafda yasakçı olan Hasan nâm yoldaşın dahi nâ-marzî hareketi zuhûr eylediğinden Âsitâne-i sa‘âdete ihzârları lâzım gelmeğin işbu mektûb tahrîr ve irsâl olunmuşdur. Vusûlünde sen ki serdârsın, gerekdir ki mezbûr Mehmed’i ahzedip yasakçı Hasan ile ma‘an kendün bi-nefsihî Âsitâne-i sa‘âdete ihzâr eyleyesin ve lâkin husûs-ı mezbûrda ihmâl ve müsâmahadan ihtirâz edip vech-i meşrûh üzere gerek mezbûr Mehmed ve Yasakçı Hasan’ı kendün bu tarafa getirip mûcib-i mektûb âmil olasın. Tahrîren fî-evâhiri Şevvâl sene 1132 Mustafa b. Mehmed Ağa, Yeniçeriyân-ı Dergâh-ı âlî.