Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 293 Hüküm no: 454 Orijinal metin no: [89b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kartal yasakçısı görevden alınarak yerine başka birinin tayin edildiği İzzetlü, fazîletlü Kartal kādısı efendi hazretlerinin huzûr-ı şerîflerine dürer-i tahiyyât ithâfından sonra inhâ-yı muhibbâne ve muhlisânemiz budur ki, hâlâ taht-ı hükûmetinizde vâki‘ yasakçı olan yoldaş ref‘ olunup üslûb-ı sâbık üzere Dergâh-ı âlî yeniçerilerinden (°) nâm yoldaşı kazâ-i mezbûreden yalnız iki değnek verilip yasakçı nasb ü ta‘yîn olunmağın işbu mektûb tahrîr ve irsâl-i izz-i huzûrları kılındı. Vusûlünde gerekdir ki merkūmu yasakçılık umûrunda istihdâm edip âhardan bir ferdin dahl ü ta‘arruz etdirmeyip dûş-ı husûslarına bi-hasebi’ş-şer‘ ve’l-kānûn her vechile imdâd ve i‘ânet edip ve lâkin hilâf-ı şer‘-i şerîf bir kimesne[ye] rencîde vü remîde etdirmeyesiz, bâkī ilm-i fazîlet ziyâde bâd. Tahrîren fî-gurreti Zilka‘de sene 1132 Mustafa b. Mehmed, Ağa-yı Yeniçeriyân-ı Dergâh-ı âlî.