Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 313 Hüküm no: 483 Orijinal metin no: [97a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Marta bt. Sahak'ın terekesi Medîne-i Üsküdar’a muzâfe Kartal kasabasında mütemekkine iken bundan akdem hâlike olan Marta bt. Sahak nâm Nasrâniyenin verâseti zevc-i metrûkesi Haçador v. Manok ile sadrî sagīr oğlu Sahak ve sagīre kızı Araknaze ve babası merkūm Sahak v. Delot nâm zimmîye münhasıra olduğu müte‘ayyen oldukdan sonra sagīrân-ı merkūmânın babaları ve vasîleri vesâyeten ve Kudüs-i şerîfde olan merkūm Sahak’ın hissesini ahz ü hıfza vasî ve kayyım nasb olunmağla vesâyeten [ve] asâleten taleb [ve] ma‘rifetleriyle tahrîr olunan hâlike-i mersûmenin terekesidir ki ber-vech-i âtî zikr olunur. Hurrire fî-selhi Recebi’l-ferd li-sene ihdâ ve seb‘în ve mi'e ve elf. Üçer ayaklı sırçadan altın küpe Meblağ 480 Altın yüzük Meblağ 200 Sîm kuşak Meblağ 690 Münakkaş ve başlı yemenî Meblağ 360 Göz çuka ferâce Meblağ 500 Köhne kolan Meblağ 10 Müsta‘mel al şâlî cübbe Meblağ 300 Köhne anteri Meblağ 30 Penbe ipliği, 50 dirhem Meblağ 15 Beyâz fes Meblağ 20 Fitilli döşek çârşeb Meblağ 70 Don Meblağ 90 Tahta sandık Meblağ 80 Yemenî yorgan ma‘a çârşeb 2 Meblağ 1.000 Köhne kuzu kürkü Meblağ 30 Alaca döşek ma‘a yün Meblağ 240 Yemenî yasdık 2 Meblağ 100 Hamam tası ve gül kutusu Meblağ 90 Hamam rahtı Meblağ 180 Paşmak ma‘a köhne havlu Meblağ 50 Hamam boğçası Meblağ 40 Penbe çârşeb Meblağ 30 Köhne çârşeb Meblağ 30 Def‘a don [Meblağ] 20 Köhne gömlek [Meblağ] 30 Edik pabuç [Meblağ] 90 Köhne yağlık [Meblağ] 6 Bez boğça [Meblağ] 20 Hırdavat-ı menzil [Meblağ] 120 Cem‘an yekûn: 5.623 Minhe’l-ihrâcât; Resm-i kısmet-i âdî Meblağ 140 Harc-ı defter ve kalemiye ve kaydiye Meblağ 70 Çukadâriye ve masârıf-ı lâzıme Meblağ 60 Yekûnü’l-ihrâcât: 270 Sahhu’l-bâkī meblağ: 5.353 Hisse-i zevce Meblağ 1.338 Hisse-i eb Meblağ 892 Hisse-i ibn Meblağ 2.082 Hisse-i bint Meblağ 1.041