Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 85 Hüküm no: 13 Orijinal metin no: [4a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un küçük oğlu Ahmed’e Osman Beşe’nin vasi tayin edildiği Mahmiye-i İstanbul’da Yenibahçe kurbünde bundan akdem vefât eden Fâtıma bt. Abdullah[‘ın] sadrî sagīr oğlu Ahmed b. Mehmed’in vâlidesi mezbûre Fâtıma Hatun’dan irs-i şer‘le intikāl eden emvâl ve erzâkını zabta ve hıfza bir vasî lâzım ve mühim olmağın taraf-ı şer‘den mahalle-i mezbûre sükkânından hâmilü hâze’l-kitâb Osman Beşe b. Abdullah nâm kimesne vesâyet-i mezbûreye ehil ve her vechile müstakīm olmağla sagīr-i mezbûrun mal-ı mevrûsunu zabt ve hıfza vasî nasb ü ta‘yîn olunup ol dahi vesâyet-i mezbûreyi kabûl ve hizmet-i lâzımesini edâya ta‘ahhüd etmeğin kayd-şüd. Fî 12 Muharrem sene 1110 Şuhûdü’[s-sâbikūn]