Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 88 Hüküm no: 17 Orijinal metin no: [5a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa İmam Mehmed Efendi’nin kızı Fatıma’nın vasisi Ayşe Hatun’un görevini bırakmasıyla annesi Hatice Hatun’un vasi tayin edildiği Mahmiye-i İstanbul’da Çinilihamam kurbünde Cevvîzâde mahallesinde sâkin iken bundan akdem vefât eden İmâm Mehmed Efendi b. Oruc’un sulbiye sagīre kızı Fâtıma’nın tesviye-i umûruna kıbel-i şer‘den mansûbe vasiyesi ve li-ebin kız karındaşı Âişe Hatun vesâyetden kasr-ı yed edip vesâyet-i merkūme hâlî kalmağın yerine bir vasî nasb ü ta‘yîn olunmak lâzım ve mühim olmağın emânet ile ma‘rûfe sagīre-i mezbûrenin vâlidesi bâ‘isetü’l-kitâb Hadîce bt. Abdullah nâm hatunu hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri sagīre-i mezbûrenin vakt-i rüşd ü sedâdına değin vasiye nasb ü ta‘yîn buyurduklarında ol dahi vesâyet-i merkūmeyi kabûl ve merâsimini edâya ta‘ahhüd ve iltizâm etmeğin mâ-vaka‘a kayd-şüd Fî 15 min-Muharrem sene 1110 Şuhûdü’l-hâl: Hasan Çelebi b. Hüseyin, İsmail b. Osman, Hüseyin Çelebi b. Salih, Yusuf b. Hüseyin, Ahmed b. Abdullah, İbrahim b. İsmail.