Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 129 Hüküm no: 48 Orijinal metin no: [16b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Zaim Ahmed Ağa’nın küçük çocukları Hatice ve Fatıma’yı vasileri Mustafa’nın Ayşe Hatun’a teslim ettiği Mahmiye-i İstanbul’da Nahılbend mahallesi ahâlîsinden olup bundan akdem vefât eden Za‘îm Ahmed Ağa b. Abdullah’ın sagīre kızları Hadîce ve Fâtıma’nın tesviye-i emrlerine kıbel-i şer‘-i enverden mansûb vasîleri el-Hâc Mustafa b. Ali meclis-i şer‘-i hatîr-ı lâzımü’t-tevkīrde hâfızatü’l-kitâb Âişe Hatun bt. ( ) mahzarında ikrâr ve takrîr-i kelâm edip sagīretân-ı mezbûretânın terbiye ve imsâk içün hâzıneleri olmamağla nisâ-i sâlihâtdan olup zikr olunan sagīreleri kemâ-yenbağī terbiye ve imsâka kādire idiği zeyl-i vesîkada muharrerü’l-esâmî Müslimîn ihbârlarıyla lede’ş-şer‘i’ş-şerîf zâhir olan mezbûre Âişe Hatun’a bi’l-izni’ş-şer‘î nafaka-i mefrûzaları ile terbiye ve imsâk etmek üzere sagīretân-ı mezbûretânı teslîm eyledim dedikde ol dahi vech-i muharrer üzere kabûl etmeğin mâ-vaka‘a kayd-şüd. Fî 25 min-Muharrem sene 1110 Şuhûdü’l-hâl: Osman Efendi b. Ahmed, Osman Çelebi b. Ömer, İslam Bey b. Abdullah, el-Hâc Osman b. Ömer, Abdullah Çelebi b. Ali.