Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 136 Hüküm no: 53 Orijinal metin no: [18a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Afife Hatun’un oğlu Osman’a babası Mustafa’nın vasi tayin edilip çocuğuna nafaka takdir edildiği Mahmiye-i İstanbul’da Haraccı Kara Mehmed mahallesinde sâkine iken bundan akdem vefât eden Afife bt. Receb’in sagīr oğlu Osman’ın tesviye-i umûruna kıbel-i şer‘den bir vasî nasb ü ta‘yîn olunmak lâzım ve mühim olmağın emânet ile ma‘rûf ve diyânet ile mevsûf ve vesâyet uhdesinden gelmeğe kādir idiği zeyl-i vesîkada mektûbü’l-esâmî Müslimîn haberleriyle lede’ş-şer‘i’ş-şerîf zâhir ve mütehakkık olan sagīr-i mezbûr Osman’ın babası işbu bâ‘isü’n-nemîka el-Hâc [18b] Mustafa b. Kahraman’ı hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri sagīr-i mezbûrun vakt-i rüşd ü sedâdına değin tesviye-i umûruna vasî nasb ü ta‘yîn buyurduklarında ol dahi vesâyet-i mezbûreyi kabûl ve hizmet-i lâzımesini edâya ta‘ahhüd ve iltizâm ettikden sonra vasiyy-i mezbûr el-Hâc Mustafa talebiyle sagīr-i mezbûr için mal-ı müntakilinden târîh-i kitâbdan yevmî beşer para nafaka ve kisve-bahâ farz ve takdîr buyurup meblağ-ı mefrûz-ı mezbûru levâzım-ı sagīr-i mezbûra harc ü sarfa ve vakt-i hâcetde istidâneye ve lede’z-zafer malına rücû‘a vasiyy-i mezbûra izin vermeğin mâ-vaka‘a kayd-şüd. Fî 3 Muharrem sene 1110 Şuhûdü’l-hâl: Es-sâbikūn es-sâbikūn es-sâbikūn.