Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 146 Hüküm no: 61 Orijinal metin no: [21a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Rikâb-ı hümâyûn kaymakamı Osman Paşa’nın kızı Havva’nın vasisi Kethüda Mustafa Ağa’nın gelir-gider muhasebesi Rikâb-ı hümâyûn kāimmakāmı iken bundan akdem mahrûse-i Edirne’de vedâ‘-ı âlem-i fânî eden merhûm Osman Paşa’nın sulbiye sagīre kızı Havva Hanım’ın vasiyy-i muhtârı olan umdetü’l-emâcid Kethüdâ Mustafa Ağa b. Hüseyin’in defter-i kassâmdan hâric olan îrâd ve mesârifinin muhâsebesi defteridir ki sagīre-i mezbûrenin vâlidesi ve nâzırası olan fahrü’l-muhadderât Hanım Hatun bt. Abdullah’ın ma‘rifetiyle vech-i âtî üzere vasînin ikrârıyla beyân olunur. Tahrîren fî-evâili’l-Muharremi’l-harâm sene 1110 Zimemden Salih Bey’den makbûz 650 guruş el-Hâc Mahmud Ağa’dan makbûz 158 guruş 1 sülüs Fırın yeri bahâsından makbûz 650 guruş Değirmen bahâsından makbûz 1500 guruş Mahzen kirâsından dört senelik makbûz 72 guruş Haleb’de olan bahçe ve değirmen icâresinden makbûz 460 guruş Yekûn-i makbûz-ı mezbûre: 3590 guruş 1 sülüs Yalnız üç bin beş yüz doksan guruş bir sülüs Minhâ et-teslîmât ve’l-mesârif Merhûm-ı müşârün-ileyhin fevti târîhi ki yüz beş senesi Rebî‘ülevvel[in]den bin yüz dokuz Şevvâli gurresine gelince elli beş ayda mezbûre Hanım Hatun ikrârıyla ber-mûceb-i hüccet teslîm olunan nafaka 770 guruş Müddet-i ma‘lûmede verilen icâre-i vakf-ı fırın an yed-i vasiyy-i mûmâ-ileyh 134 guruş Mezbûre Hanım Hatun’a mesâlih-i mühimme ve lâzıme içün Edirne’ye varıp gelince verilen arabalar kirâsı ve harc-ı levâzım 105 guruş Zikr olunan değirmen bahâsından merhûm-ı müşârün-ileyhin hemşîresi Hadîce Hatun’a verilen nısf hisse bâ-hüccet-i şer‘iyye 620 guruş Mezbûre Hanım Hatun’un yedinde olan derkenâr mûcebine teslîm-i hazîne olan otuz dokuz bin guruşun ancak otuz altı bin yedi yüz otuz guruşu defter-i kassâmda sahhe’l-bâkī olan malımdan verilip tekmîli içün verilen defterden hâric 2270 guruş Bey‘ olunan değirmenin defter-i kassâmda tahmîn olunduğu meblağ 500 guruş Mahmiye-i mezbûrede saray arsası ve tevâbi‘inin defter-i kassâmda tahmîn olunduğu meblağ 500 guruş Mezbûre Havva Hanım içün defter-i kassâmda olan muhallefâtdan alıkonulup vâlidesi mezbûre <> Hanım Hatun’un hâlâ yedinde makbûz olmağla ikrârıyla bu deftere kayd olunan eşyâdır ki zikr olunur. İşbu eşyâ-i mezbûre defter-i kassâmda para dört akçe hesâbınca kıymetleriyle tahrîr olunmağla bu deftere dahi ol vechile kayd olunmuşdur. Sırmalı çorab 1 350 akçe Mükemmel çamaşır 15 kat 1395 akçe Turuncu keşmir şal 1 2000 akçe Câriye be-nâm 1 re’s 12500 akçe İncili kuşak 1 2000 akçe Def‘a incili kuşak 1 2000 akçe Kumaş bohça 1 600 akçe Atlas bohça 1 800 akçe Kadife yastık 5 çift 12000 akçe Kumaş mak‘ad 3 2600 akçe Peşkûnî 2 700 akçe Hatâyî Acem 1 1800 akçe Def‘a kumaş bohça 1 500 akçe Mercan tesbîh 1 1410 akçe Al dîbâ donluk 1 4000 akçe İnci küpe 1 çift 2400 akçe Altın yüzük 1 1500 akçe İnci hurda düğme 42 800 akçe Def‘a câriye be-nâm-ı Gülsüm 1 18000 akçe Serâsere kaplı sırt samur kürk 1 35000 akçe Yekûn: 113310 akçe. Para dört hesâbı Be-hesâb-ı guruş: 708 Yekûn: 5607 guruş. Yalnız beş bin altı yüz yedi guruşdur. Harc-ı defter Meblağ: 1500 Kâtibiye ve ücret Meblağ: 600 Kaydiye-i defter Meblağ: 90