Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 164 Hüküm no: 81 Orijinal metin no: [25a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ayşe Hatun’un küçük çocukları Osman ve Hatice’ye nafaka takdir edildiği Mahmiye-i İstanbul’da Dâye Hatun mahallesinde sâkine iken bundan akdem vefât eden Âişe Hatun bt. Mehmed’in sagīr oğlu Osman ve sagīre kızı Hadîce’nin tesviye-i emrlerine vasiyy-i muhtârları ve babaları hâfızü’l-kitâb Mir Mehmed Ağa b. Mehmed talebiyle sagīrân-ı mezbûrânın müteveffât-ı mezbûreden müntakil mallarından nafaka ve kisveleri’çün hâkim-i muvakkı‘-ı sadr-ı kitâb târîh-i kitâbdan her birine yevmî onar sağ akçe farz ve takdîr buyurup meblağ-ı mefrûz-ı mezbûru sagīrân-ı mezbûrânın nafaka ve kisve ve sâir levâzım-ı zarûriyelerine harc ü sarfa ve vakt-i hâcetde istidâneye ve lede’z-zafer mallarına rücû‘a vasiyy-i mezbûra izin birle mâ-vaka‘a kayd-şüd. Fî gurreti Saferi’l-hayr li-seneti 1110 Şuhûdü’l-hâl: Murad Efendi b. Ali, el-Hâc Ali b. Hüseyin, Ahmed Çelebi b. Süleyman, el-Hâc Mustafa, Mehmed b. ( ), Kara Mehmed.