Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 197 Hüküm no: 110 Orijinal metin no: [33a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Fatıma Hatun’un kızlarına nafaka takdir edildiği Mahmiye-i İstanbul’da Müftî Ali Çelebi mahallesinde sâkin iken bundan akdem vefât eden Fâtıma bt. el-Hâc İbrahim’in sagīre kızları Rukiye ve Âişe’nin vasiyy-i mansûbları ve babaları bâ‘isü’l-kitâb Mehmed Çelebi mahfil-i kazâda takrîr-i kelâm edip sagīretân-ı mezbûretâna vâlideleri mezbûreden müntakil mallarından nafaka ve kisve-bahâ farz ve takdîr olunmak matlûbumdur dedikde hâkim-i muvakkı‘-i sadr-ı kitâb efendi sagīretân-ı mezbûretândan her birine yevmî yedişer buçuk sağ akçe takdîr buyurup meblağ-ı mefrûz-ı mezbûru sagīretân-ı mezbûretâna harc ü sarfa ve vakt-i hâcetde istidâne ve lede’z-zafer mallarına rücû‘a vasiyy-i mezbûra izin vermeğin kayd-şüd. Fî 9 Safer sene 1110 Şuhûdü’l-hâl: İmâm Mehmed Efendi b. Salih, el-Hâc Durmuş b. Ebubekir, Mehmed Çelebi b. Şa‘bân, Ali b. Mehmed, el-Hâc İbrahim b. Salih ve gayruhum.