Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 204 Hüküm no: 117 Orijinal metin no: [34b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Abdi’nin terekesi Mahmiye-i İstanbul’da Uzunçarşı kurbünde Samanveren mahallesinde sâkin iken bundan akdem vefât eden el-Hâc Mustafa b. Abdi’nin verâseti li-ebeveyn kebîr er karındaşı olup mahalle-i mezbûrede sâkin Hüseyin’e ve Vilâyet-i Anadolu’da Manavgat kazâsına tâbi‘ Sart nâm karyede sâkin âhar li-ebeveyn karındaşı Ali ve kız karındaşı Emine’ye münhasıra oldukdan sonra sülüs malını kabz ve vücûh-ı birr-i mu‘ayyeneye sarfa ve sülüsânını veresesine îsâle vasiyy-i muhtârı el-Hâc Hüseyin b. Süleyman taleb ve ma‘rifetiyle müteveffâ-yı mezbûrun Hasır İskelesi kurbünde vâki‘ hasırcı dükkânında olan sermâyesidir ki vech-i âtî üzere zikr olunur. Fî 26 Muharrem sene 1110 Müteveffâ-yı mezbûrun hasırcı dükkânında olup şerîki Ali Beşe’ye bey‘ olunan ma‘lûmü’l-keyl tuz ve hasır semeni para üç hesâbıyla 46000 akçe Şahinoğlu nâm kimesne zimmetinde şerîki mezbûr Ali Beşe’nin kabûl eylediği akçe 10320 akçe Nakd akçe der-kese 2400 akçe Cem‘an yekûn: 58720 akçe Minha’l-ihrâcât: [35a] Techîz ve tekfîn 2400 akçe Resm-i kısmet 1200 akçe Kassâmiye 400 akçe Kalemiye ve ihzâriye 400 akçe Harc-ı hüccet-i müte‘addide 600 akçe Tahlîs-i beytülmâl 410 akçe Muhammene ve huddâmiye ve ta‘âmiye 310 akçe Yekûn: 5720 akçe El-bâkī: 53000 akçe Minhâ es-sülüs: 17266 akçe Sahhe’l-bâkī li’t-taksîmi beyne’l-verese: 35334 akçe Hissetü eh Hüseyin el-mezbûr 14132 akçe Hissetü eh Ali el-mezbûr 14132 akçe Hissetü uht Emine el-mezbûr 7066 akçe Der-zimmet-i Şahinoğlu 7680 akçe Para üç hesâbıyla yedi bin altı yüz seksen akçedir. Kesr-i bâkī: 4 para