Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 245 Hüküm no: 150 Orijinal metin no: [43a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Zülfikâr’ın terekesi Bostânî mütekā‘idlerinden olup mahmiye-i İstanbul’da Uzunçarşı kurbünde sâkin iken bundan akdem vefât eden Zülfikâr b. Mustafa’nın zâhirde vâris-i ma‘rûfu olmamağla mecmû‘-ı terekesi cânib-i beytülmâle âid olmağın tâife-i mezbûrenin bâ-hatt-ı hümâyûn-ı sa‘âdet-makrûn beytülmâllerini kabza memûr olan mahmiye-i mezbûrede Hadîka-i hâssa-i şehriyârîde bi’l-fi‘il bostancıbaşı izzetlü Mustafa Ağa b. Hüseyin Ağa’nın kuşçubaşısı ve tarafından müseccel vekîli Osman Bey b. Mehmed taleb ve ma‘rifetiyle müteveffâ-yı mezbûrun tahrîr ve fürûht olunan terekesidir ki vech-i âtî üzere zikr olunur. Fî 25 min-Muharremi’l-harâm sene 1110 Köhne yastık 2 Minder 1 250 akçe Köhne yemenî yorgan 2 200 akçe Köhne kilim 2 20 akçe Kahve ibriği 2 60 akçe Kavuk 1, Sarık 1 200 akçe Köhne çuka kaplı kürk 1 180 akçe Köhne kapama 1 Zıbın 2 105 akçe Çarşeb 1, don 2, gömlek 5 300 akçe Beyâz sâde 1, makrama 3, hırdavât 160 akçe Ankûrî çuka köhne ferâce 1 420 akçe Kuzu kürkü 1 Çakşır köhne 1 50 akçe Sepet 1 80 akçe Güğüm 1, leğen 1 265 akçe Sahan 1, şam‘dân 1, tâbe 1 90 akçe Mecmû‘a 2 ma‘a evrâk-ı perîşân 220 akçe Yekûn: 2600 akçe. Para dörder. Minhâ el-ihrâcât: Techîz ve tekfîn 420 akçe Dellâliye ve kâtibiye-i hammâliye 70 akçe Resm-i ağa 250 akçe Ücret-i yazıcı efendi ve kuşçu 180 akçe Resm-i âdî ma‘a huddâmiye 60 akçe Kaydiye 20 akçe Yekûn: 1000 akçe Sahhe’l-bâkī meblağ: 1600 Beytülmâli’l-mezkûr para dörder akçeyedir.