Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 245 Hüküm no: 149 Orijinal metin no: [42b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ömer Beşe’nin çocukları Ali ve Fatıma’ya nafaka takdir edildiği Mahmiye-i İstanbul’da Hoca Hayreddin mahallesinde sâkin iken bundan akdem vefât eden Ömer Beşe b. Hüseyin’in sagīr oğlu Ali ve sagīre kızı Fâtıma’nın vâlideleri ve tesviye-i emrlerine vasiye-i mansûbeleri Râbia Hatun bt. Mehmed meclis-i şer‘de bi’l-vesâye takrîr-i kelâm edip vasiyeleri olduğum sagīrân-ı mezbûrâna babaları müteveffâ-yı mezbûrdan müntakil mallarından her birine kadr-ı kifâye nafaka ve kisve-bahâ farz ve takdîr olunmak matlûbumdur dedikde vasiye-i mezbûrenin kelimât-ı meşrûhası vâkı‘a mutâbıka olmağın hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri mal-ı müntakil-i sagīrândan târîh-i kitâbdan her birine yevmî ikişer para nafaka ve kisve-bahâ harc ü sarfa ve inde’z-zarûre istidâneye ve lede’z-zafer mallaına rücû‘a vasiye-i mezbûreye izin vermeğin mâ-vaka‘a bi’t-taleb ketb olundu. Hurrire fî gurre-i Cumâdelâhire sene 1110 Şuhûdü’l-hâl: el-Hâc Ali Ağa b. Veliyüddin, Abdurrahman Beşe, el-Hâc Mehmed b. Mustafa, Hüseyin Çelebi b. Ahmed.