Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 385 Hüküm no: 269 Orijinal metin no: [71a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cizye kolcusu Mustafa Çelebi’nin varislerinin, murislerinin kefili Hüseyin Ağa’ya açtıkları alacak davasında sulh oldukları Mahmiye-i İstanbul’da Kâtib Muslihiddin mahallesinde sâkin iken bundan akdem vefât eden Mustafa Çelebi b. Siyavuş’un verâseti zevce-i menkûha-i metrûkesi Hadîce bt. Abdullah ile sagīre kızı Âişe’ye ve vâlidesi İsmihan bt. Abdullah’a ve li-ebeveyn karındaşı İsmail’e münhasıra ve tashîh meselesi yirmi dört sehmden olup sihâm-ı mezbûrenin üç sehmi zevcesi mezbûreye ve dört sehmi vâlidesi merkūme İsmihan’a ve on iki sehmi kızı sagīre-i mezbûreye ve bâkī beş sehmi mezbûr İsmail’e isâbeti tahakkukundan sonra sagīre-i mezbûrenin tesviye-i umûruna vasiye-i mansûbesi ve vâlidesi olup zâtı mahalle-i mezbûre ahâlîsinden Mustafa Çelebi b. Ahmed ve Ahmed b. Halil ta‘rîfleriyle mu‘arrefe olan mezbûre Hadîce Hatun asâleten ve vesâyeten ve kezâlik zâtı mu‘arrifân-ı mezbûrân ta‘rîfleriyle mu‘arrefe olan merkūme İsmihan Hatun dahi asâleten ve merkūm İsmail dahi asâleten meclis-i şer‘-i hatîr-ı lâzımü’t-tevkīrde hâfızü’l-vesîka el-Hâc Hüseyin Ağa b. Ali mahzarında her biri ikrâr ve takrîr-i kelâm edip mûrisimiz müteveffâ-yı mezbûr haraccı kolcusu olmağla işbu târîh-i kitâb senesinde İstanbul cizyedârı Ali Ağa’dan tevzî‘ içün aldığı her biri onar guruşa olmak üzere yüz altmış dokuz a‘lâ cizye evrâkı ve yine her biri beşer guruşa olmak üzere iki bin beş yüz dokuz evsat cizye evrâkı semenleri olan cem‘an on dört bin iki yüz otuz beş guruşa mezbûr Hüseyin Ağa kefîl olmağla meblağ-ı mezbûru merkūm Cizyedâr Ali Ağa’ya teslîm içün mûrisimiz müteveffâ-yı mezbûrdan hayâtında tamâmen ahz u kabz ettikden sonra sekiz yüz elli guruşunu dahi ziyâde kabz eyledi deyü merkūm el-Hâc Hüseyin Ağa’dan taleb edip ol dahi inkâr edip husûs-ı mezbûra bizim dahi beyyinemiz olmayıp mezbûr Hüseyin Ağa yemîn etmek sadedinde iken muslihûn tavassut edip fedâen li’l-yemîn an-inkârin merkūm el-Hâc Hüseyin Ağa ile bizi elli guruşa sulh ettiklerinde sulh sagīre-i mezbûre hakkında nef‘-i mahz olmağla biz dahi sulh-ı mezbûru kabûl ve bedel-i sulh olan meblağ-ı mezbûru bi-kadri’l-hısâs yedinden alıp kabz edip ziyâde da‘vâsından ve sâir husûs-ı mezbûra müte‘allık âmme-i da‘vâdan bi’l-asâle mezbûr Hüseyin Ağa’nın zimmetini ibrâ ve iskāt eyledik dediklerinde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-ışrîn min-Rebî‘ülevvel sene 1110 Şuhûdü’l-hâl: Fahrü’l-akrân Toygun Mustafa Ağa, Çapkun Mehmed Ağa, Yusuf Çelebi b. Abdullah, İbrahim Çavuş b. Mehmed, Mehmed Çelebi b. Durmuş ve gayruhum. Berây-ı Mustafa Çelebi’ye verilen Parmakkapı ve Kaliçeciler hanında tevzî‘ eylemek içün cizye kâğıdıdır. A‘lâ Evrâk Evsat Evrâk Guruş Guruş 600 3600 Geri alınmışdır 431 Geri alınmışdır 1091 169 Be-hesab-ı guruş fî 10 1690 guruş 2509 Be-hesab-ı guruş fî 5 12545 guruş Cem’an: 14235 guruş Minhâ et-teslîmât: Guruş Fî 10 N sene [1]109 6800 Fî 15 N sene [1]109 2500 9300 Fî 12 N sene [1]109 500 Fî 18 N sene [1]109 500 10300 Fî 21 N sene [1]109 850 11150 An-yed-i Yusuf Çelebi bâ-tevârîh-i muhtelife 830 An-yed-i Ahmed Hoca bâ-tevârîh-i muhtelife 355 12335 An-yed-i Ahmed Çelebi 265 12600 An-yed-i Kolcu Ahmed bâkī kalan akçeden 1323 13923 An-yedi Kolcu Ahmed bekāya 312 14235 Bâ‘is-i tahrîr-i hurûf oldur ki; Bin yüz on senesine mahsûb olmak üzere cibâyetine memûr olduğumuz İstanbul cizyesi evrâkından Parmakkapı ve Halıcılar hanında tevzî‘ eylemek üzere bundan akdem fevt olan Mustafa Çelebi’ye verilen altı yüz aded a‘lâ cizye kâğıdından dört yüz otuz bir kâğıdı geri alınıp ve verilen üç bin altı yüz evsat cizye kâğıdından bin doksan bir kâğıdı geri alındıkdan sonra tevzî‘ eylediği yüz altmış dokuz a‘lâ ve iki bin otuz dokuz evsat kâğıdlarının bâlâda hesâb olunduğu üzere malı olan on aded bin iki yüz otuz beş guruşa kefîli el-Hâc Hüseyin Ağa’dan ve müteveffâ-yı mezbûr Mustafa Çelebi’den bi’t-tamâm ahz u kabz edip mal-ı cizyeden zimmetinde bir akçe ve bir habbe kalmadığı ecilden işbu ber-[vech-i] meşrûh kat‘-ı alâka temessükü defteridir. Fî 5 Z sene [1]109 El-hakīr Cizyedâr Ali Âsitâne hâlâ