Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 412 Hüküm no: 298 Orijinal metin no: [76a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Emine Saliha Hatun’un kız kardeşi Fatıma Hatun’a Süleyman Ağa’nın vasi tayin edildiği Dârü’l-hilâfeti’l-aliyye Kostantıniyyetü’l-mahmiye’de Mustafapaşa mahallesinde sâkine iken bundan akdem vefât eden Emine Saliha bt. Murad’ın li-ebin kız karındaşı olup hâlâ diyâr-ı Mısır’da sâkine <> Fâtıma Hatun’un tesviye-i umûruna cânib-i şer‘-i enverden bir vasî ve kayyım nasb olunmak lâzım ve mühim olmağın emânet ve diyânet ile ma‘rûf ve vesâyet uhdesinden gelmeğe kādir idiği lede’ş-şer‘i’ş-şerîf zâhir olan mezbûre Fâtıma Hatun’un kızının oğlu hâfızü’l-kitâb Süleyman <<Çelebi>> Ağa b. Yusuf’u hâkim-i muvakkı‘-i sadr-ı kitâb tûbâ-lehû ve hüsn meâb efendi hazretleri minvâl-i muharrer üzere mezbûre Fâtıma Hatun’un tesviye-i umûruna vasî ve kayyım nasb ü ta‘yîn eyledikde mezbûr Süleyman Ağa dahi vesâyet-i mezbûreyi kabûl ve hizmet-i lâzımesini edâya ta‘ahhüd ve iltizâm etmeğin mâ hüve’l-vâki‘ bi’t-taleb kayd-şüd. Fi’l-yevmi’l-hâmis ve’l-ışrîn min-şehri Rebî‘i’l-evvel li-seneti aşer ve mi’e ve elf. Şuhûdü’l-hâl: Mukayyid Mustafa Efendi b. Mehmed, Süleyman Efendi b. Mehmed, Rûşenî Mehmed Efendi, Pîrîzâde Mehmed Çelebi, Ahmed Çelebi b. Nezir.