Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 427 Hüküm no: 309 Orijinal metin no: [78b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rus asıllı köle Şahin’in hür olduğunu ispat ettiği Kezâlik müteveffâ-yı mezbûra rıkk-ı sâbıkını mu‘terif işbu orta boylu [a]çık kaşlı sarı hulûk elâ gözlü Rusiyyü’l-asl Müslimü’l-mille râfi‘ü’l-kitâb Şahin b. Abdullah meclis-i ma‘kūd-ı mezbûrda müteveffâ-yı mezbûrun kezâlik vasiyy-i muhtârı Süleyman Çelebi b. Osman mahzarında üzerine da‘vâ ve takrîr-i kelâm edip seyyidim müteveffâ-yı mezbûr hâl-i marazında târîh-i fevtinden on gün mukaddem beni malından tahrîr ve i‘tâk ve zümre-i ahrâr-ı asliyyîne ilhâk edip terekesinin sülüsü dahi fetâ kıymetimin sülüsânı olan elli guruşa müsâ‘id olmağla ben sâir ahrâr-ı asliyyîn gibi hür olmuş iken vasiyy-i merkūm bi-gayr-ı hakkın vaz‘-ı yed eder suâl inkâr ( ) şâhidân-ı mezbûrân kezâlik şehâdet ettiklerinde mûcebiyle ba‘de’l-hükm vâki‘ [hâl] kezâlik kayd-şüd. Fi’t-târîhi’l-mezbûr li-seneti’l-merkūme. Şuhûdü’l-hâl: Eş-şâhidûnü’s-sâbikūn, es-sâbikūn.