Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 429 Hüküm no: 311 Orijinal metin no: [79a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah Hatun’un terekesi Mahmiye-i İstanbul’da Bezzâz-ı cedîd mahallesinde sâkine iken bundan akdem müteveffât olan Emetullah Hatun bt. Mustafa’nın verâseti zevc-i metrûku el-Hâc İbrahim Ağa b. Kasım ile sagīr oğlu Halil’e ve <> babası Mustafa Çelebi ile vâlidesi Saime Hatun’a münhasıra oldukdan sonra müteveffât-ı mezbûrenin tahrîr ve bey‘ olunan terekesidir ki ber-vech-i âtî zikr olunur. Fi’l-yevmi’t-tâsi‘ ve’l-ışrîn min-şehri Rebî‘i’l-evvel li-seneti aşer ve mi’e ve elf. #&# Sîm kuşak 600 akçe İnci küpe 1 çift 361 akçe Sandık 100 akçe Boğasıya kaplı tavşan kürk 200 akçe Pîrûze hâtem 40 akçe Serpûş 2 200 akçe Müsta‘mel hatâyî kaftan 900 akçe Köhne sandal kaftan 60 akçe Hatâyî anteri 2 300 akçe Müsta‘mel anteri 4, kapama 4 200 akçe Mükemmel hamam rahtı 200 akçe Çarşeb 2 300 akçe Yeşil çuka ferâce 600 akçe Köhne peçe 2 150 akçe Makrame ve üslük 3 100 akçe Yeşilli çatkı 3 600 akçe Köhne yemenî ve çatkı 5 100 akçe Bohça 1 ve sofra 1 120 akçe Don 2 ve gömlek 4 240 akçe İçdik papuç 40 akçe Abâyî(?) ve hurdası 60 akçe La‘l hâtem 360 akçe Köhne paça kürk nîmten 600 akçe Yüz yastık 2 100 akçe Yemenî yorgan 480 akçe Kaliçe seccâde 80 akçe Orta keçesi ve yan keçesi 600 akçe Minder 3 600 akçe Beledî döşek 2 600 akçe Tencere 3 600 akçe Kadife yastık 3 çift 1200 akçe Leğen ma‘a ibrik 200 akçe Kefkir 60 akçe Kil kutu[su] ve hamam tası 60 akçe Hoşâb tası 80 akçe Sagīr tâbe 60 akçe Tuç sahan 6 240 akçe Orta sini 300 akçe Mehr-i müeccel li’z-zevcetü’l-mezbûre 5000 akçe Cem‘an yekûn: 16690 akçe. Para üçer hesâbıncadır. Minha’l-ihrâcât: Resm-i âdî 417 akçe Muhammeniye 240 akçe Masarif-i lâzıme 120 akçe Kaydiye-i defter 20 akçe Yekûne’l-ihrâcât: 797 akçe. Para üçer hesâbıncadır. Sahhe’l-bâkī li’t-taksîmi beyne’l-verese: 15893 akçe. Para üçer hesâbıncadır. Hissetü’z-zevci’l-mezbûr 3673 akçe Hissetü’l-eb 2648 akçe Hissetü’l-ümmü’l-mezbûre 2648 akçe Hissetü’l-ibni’l-mezbûr 1924 akçe Müteveffât-ı mezbûrenin zevci zimmetinde olan beş bin akçe mehrini hâl-i marazında zevcine hîbe eylediğini ve iskāt-ı salâtı içün vasiyet eylediği altı yüz akçeyi babası merkūm Halil ve vâlidesi mezbûre Saime Hatun kabûl edip ve tecvîz etmeleriyle meblağayn-ı mezbûreyn beş bin altı yüz akçeden her birinin südüs hissesine isâbet eden dokuz yüz otuz üçer akçe bâlâda zikr olunduğu üzere hisselerine isâbet eden ikişer bin altışar yüz kırk sekizer akçeden takas olunmağla kendilere ancak bin yedişer yüz on beşer akçe isâbet edip müteveffât-ı mezbûrenin zevci mezbûr el-Hâc İbrahim Ağa yedinden bi’t-tamâm ahz eylediklerini her biri ikrâr etmeğin bu mahalle şerh verildi.