Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 431 Hüküm no: 312 Orijinal metin no: [79a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Emetullah Hatun’un küçük çocuğu Halil’e babası İbrahim Ağa’nın vasi tayin edildiği Mahmiye-i İstanbul’da Bezzâz-ı cedîd mahallesinde sâkine iken bundan akdem vefât eden Emetullah Hatun bt. Mustafa’nın sadrî sagīr oğlu Halil’in tesviye-i umûruna cânib-i şer‘-i mutahhardan bir vasî nasb ü ta‘yîn olunmak lâzım ve mühim olmağın emânet ve diyânet [ile] ma‘rûf ve istikāmet ile mevsûf olup vesâyet uhdesinden her vechile gelmeğe kādir idiği zeyl-i vesîkada [muharrerü’l-esâmî] Müslimîn ihbârlarıyla lede’ş-şer‘i’ş-şerîf zâhir olan sagīr-i mezbûrun babası hâfızü’l-kitâb el-Hâc İbrahim Ağa b. Kasım’ı hâkim-i muvakkı‘-i sadr-ı kitâb tûbâ-lehû ve hüsnü-meâb hazretleri sagīr-i mezbûrun vakt-i rüşd ü sedâdına varınca tesviye-i umûruna vasî nasb buyurduklarında ol dahi vesâyet-i mezbûreyi kabûl ve merâsimini edâya ta‘ahhüd etmeğin mâ-vaka‘a kayd-şüd. Fî gurre-i Rebî‘ülevvel sene 1110 Şuhûdü’l-hâl: Ahmed Efendi b. Hasan, el-Hâc Hüseyin Ağa b. Muharrem, el-Hâc Hasan b. Abdullah, el-Hâc İsmail b. Ahmed, Ömer b. Halil.