Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 443 Hüküm no: 323 Orijinal metin no: [81a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Ahmed Çelebi’nin oğlu Mehmed’in vasisi Hasan Çelebi’nin görevini bırakması üzerine yerine Muhammer Hatun’un tayin edildiği Mahmiye-i İstanbul’da Saraç Doğan mahallesi ahâlîsinden olup mahrûse-i Galata müzâfâtından kasaba-i Kasımpaşa’da el-Hâc Ahmed mahallesinde sâkin iken bundan akdem vefât eden Ahmed Çelebi b. Osman’ın sulbî sagīr oğlu Mehmed’in tesviye-i umûruna vasiyy-i mansûbu Hasan Çelebi b. Hüseyin vesâyet-i mezbûreden kasr-ı yed etmekle azl ve yerine Koruk Mahmud mahallesi sâkinelerinden sagīr-i mezbûrun min-kıbeli’l-ebb ceddesi işbu râfi‘atü’l-kitâb Muammer bt. Abdullah emîne ve kâsibe ve vesâyet-i mezbûre uhdesinden gelmeğe kādire idiği zeyl-i kitâbda muharrerü’l-esâmî Müslimîn haberleri ile lede’ş-şer‘i’l-enver zâhir ve mukarrer olmağın hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri mezbûre Muammer Hatun’u sagīr-i mezbûrun vakt-i rüşd ü sedâdına değin vasî nasb ü ta‘yîn edip ol dahi vesâyet-i mezbûreyi kabûl ve hizmet-i lâzımesini edâya ta‘ahhüd ve iltizâm etmeğin mâ-vaka‘a bi’t-taleb kayd-şüd. Hurrire fî gurre-i Rebî‘ülâhir sene 1110 Şuhûdü’l-hâl: el-Hâc Abdülkerim b. Cafer, Ebubekir Çelebi b. Ömer, İbrahim Çelebi b. Mustafa, Mehmed Efendi b. el-Hâc İbrahim, Halil Beşe b. Mehmed, İbrahim Çelebi b. Mehmed, Ahmed b. Süleyman ve gayruhum mine’l-huzzâr.