Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 457 Hüküm no: 332 Orijinal metin no: [83b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Halil Ağa’nın çocuklarına anneleri Havva Hatun’un nazır tayin edildiği Mahmiye-i İstanbul’da Camcı Ali mahallesi ahâlîsinden olup Vilâyet-i Anadolu’da Kütahya sancağında Gediz nâm kasabada müsâfiren sâkin iken bundan akdem vefât eden Halil Ağa b. Mustafa’nın sulbiye sagīre kızları Hadîce ve Ümmügülsüm’ün tesviye-i emrlerine kıbel-i şer‘den mansûb vasîsi Abdullah Çelebi b. İsmail üzerine hasbî nâzır nasb olunmak lâzım ve mühim olmağın sagīretân-ı mezbûretânın vâlideleri işbu hâfızatü’l-kitâb Havva Hatun bt. Abdurrahman emîne ve müstakīme ve nezâret-i mezbûre uhdesinden gelmeğe kemâ-yenbağī kādire idiği lede’ş-şer‘i’ş-şerîf zâhir ve mukarrer olmağın hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri dahi mezbûre Havva Hatun’u kızları sagīretân-ı mezbûretânın vasiyy-i mansûbları mezbûr Abdullah Çelebi üzerine hasbî nâzır nasb ü ta‘yîn buyurup ol dahi nezâret-i mezbûreyi kabûl ve merâsimini edâya ta‘ahhüd etmeğin mâ-vaka‘a kayd-şüd. Hurrire fî 8 min-Rebî‘i’l-evvel li-seneti aşer ve mi’ete ve elf. Şuhûdü’l-hâl: Mukayyid Mustafa Efendi b. Mehmed, Ahmed Efendi [b.] İsmail, Süleyman Efendi [b.] eş-Şeyh Mehmed Efendi, el-Hâc Süleyman Çelebi b. Mehmed ve gayruhum mine’l-huzzâr.