Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 485 Hüküm no: 355 Orijinal metin no: [89a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Mustafa Efendi’nin terekesi Mahmiye-i İstanbul’da Demirkapı kurbünde Dâye Hatun mahallesinde sâkin iken bundan akdem vefât eden bostânî mütekā‘idlerinden Mustafa Efendi b. Abdullah’ın zâhirde zevce-i menkûha-i metrûkesi Râbia Hatun bt. Abdullah’dan gayrı vâris-i ma‘rûfu olmamağla rub‘u mezbûreye ve selâse-i erbâ‘ı cânib-i beytülmâle âid olmağla mahmiye-i mezbûrede bi’l-fi‘il bostancıbaşı olup tâife-i mezbûrenin beytülmâllerini taraf-ı Saltanat-ı aliyye’den bâ-hatt-ı hümâyûn kabza memûr olan umdetü’l-havâs ve’l-mukarrebîn izzetlü Mustafa Ağa b. Hüseyin Ağa tarafından vekîl-i müsecceli ve hâlâ kuşçubaşısı olan fahrü’l-akrân Osman Bey b. Süleyman ve mezbûre Râbia Hatun taleb ve ma‘rifetiyle müteveffâ-yı mezbûrun tahrîr ve fürûht olunan terekesidir ber-vech-i âtî zikr olunur. Fî 12 min-Rebî‘ülevvel sene 1110 Kavuk 1 ve sarık 2 275 akçe Bogasi kapama 150 akçe Köhne beyâz zıbın 2 ve kuşak 2 75 akçe Köhne gömlek 2 ve don ve uçkur 2 ve papuç 240 akçe Köhne çuka ferâce 975 akçe Münakkaş çuka ferâce 2025 akçe Kırmızı çu[ka] çakşır 495 akçe Def‘a çuka çakşır 335 akçe Mâî çuka kaplı köhne çılkafa kürk 1200 akçe Yeşil çuka kaplı samur nâfesi kürk 6240 akçe Yekûn eşyâ: 11880 akçe. Müteveffâ-yı mezbûrun mahalle-i mezbûrda vâki‘ fürûht olunan nısf mülk menzil semeni: 18000 akçe. Cem‘an yekûn: 29880 akçe. Para üçer hesâbınca. Minha’l-ihrâcât: Techîz ve tekfîn ber-mûceb-i vasiyet-i müteveffâ-yı mezbûr 36000 akçe Resm-i ağa hazariyyesi 3000 akçe Dellâliye ve dükkâniye ve hammâliye 500 akçe Ücret-i yazıcı efendi ve kuşçubaşı 1440 akçe Ücret-i çukadâr ağa 320 akçe Resm-i âdî ma‘a huddâmiye 5000 akçe Kaydiye-i defter 30 akçe Cem‘an yekûnü’l-ihrâcât: <<909>> 9390 akçe. Sahhe’l-bâkī: 20491 akçe. Para üçer hesâbınca. Hisse li’z-zevcetü’l-mezbûre 5122 akçe Hissetü’l-beytülmâl 15368 akçe