Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 505 Hüküm no: 378 Orijinal metin no: [93a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Fatıma Hatun’un kızı Fatıma’ya vasi ve nazır tayin edildiği Mahmiye-i İstanbul’da Unkapanı kurbünde Elvanzâde mahallesinde sâkine iken bundan akdem vefât eden Fâtıma bt. Şa‘bân’ın sadriye kızı Fâtıma’ya vâlidesi müteveffât-ı mezbûreden müntakil malını hıfza ve tesviye-i umûruna cânib-i şer‘den bir vasî nasbı lâzım olmağın emânet ile ma‘rûf olup mahmûdü’l-hâl olduğu lede’ş-şer‘ zâhir olan sagīre-i mezbûrenin babası Yusuf Çelebi b. Abdullah’ı hâkim-i muvakkı‘-i sadr-ı kitâb tûbâ-lehû ve hüsnü-meâb hazretleri vasî ve üzerine sagīre-i mezbûrenin büyük vâlidesi Havva Hatun bt. Receb’i ve mezbûre Havva’nın li-ebeveyn karındaşı el-Hâc Hüseyin’i hasbî nâzır nasb ü ta‘yîn buyurup onlar dahi vesâyet ve nezâret-i mezbûreleri ba‘de’l-kabûl her biri merâsimini edâya ta‘ahhüd ve iltizâm etmeğin mâ hüve’l-vâki‘ bi’t-taleb ketb olundu. Fi’l-yevmi’s-sânî min-Rebî‘i’l-âhir li-seneti aşer ve mi’ete ve elf. Şuhûdü’l-hâl: Salih Efendi ( ), Süleyman Odabaşı b. Mehmed, İsmail Beşe b. Şa‘bân, Ahmed Çelebi b. Mahmud, Ahmed Çelebi b. ( ), Ömer Ağa b. Mustafa, Hasan Çelebi b. Abdullah.