Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 514 Hüküm no: 386 Orijinal metin no: [94a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Abdüsselam’ın terekesi Bostânî mütekā‘idlerinden olup mahmiye-i İstanbul’da Bahçekapısı kurbünde Vanî Efendi Dârü’l-hadîsi’nde sâkin olup bundan akdem Vilâyet-i Rumeli’nde Ülgün kasabasında müsâfiren vefât eden Molla Abdüsselam b. Ahmed b. Abdullah’ın zâhirde vâris-i ma‘rûfu olmayıp cemî‘ terekesi cânib-i beytülmâle âid olmağla Hadîka-i hâssa-i şehriyârîde bi’l-fi‘il bostancıbaşı ve tâife-i mezbûrenin beytülmâllerini kabza taraf-ı Saltanat’dan bâ-hatt-ı hümâyûn memûr olan umdetü’l-havâssı’l-müderrisîn izzetlü Mustafa Ağa b. Hüseyin b. Mehmed’in kuşçubaşısı ve tarafından vekîl-i müsecceli Osman Bey b. Süleyman ma‘rifetiyle müteveffâ-yı mezbûrun vech-i âtî üzere tahrîr olunan terekesidir zikr olunur. Fî 13 min-Rebî‘ülâhir sene 1110 #&# Dürer Gurer 1200 akçe Gülistan ma‘a bostan 400 akçe Lügat-i Türkî ma‘a Arabî 4 400 akçe Lügat-i …? 100 akçe Dav’? 2 aded 180 akçe Muhammediye 80 akçe İftitâh 80 akçe Menâsik 60 akçe Bostan ma‘a Şem‘î 600 akçe Şerh-i Merâh 50 akçe …? 50 akçe Muhtasar 200 akçe Telhîs 120 akçe Şerh-i Dîbâce 60 akçe Pendnâme ma‘a Şem‘î 160 akçe Muhyiddin 8 akçe Molla Câmî 200 akçe Çârperdî(?) 200 akçe Risâle-i Birgili 60 akçe Kutbüddîn ma‘a şerh 120 akçe Şâfiye 120 akçe Kâfiye mecmû‘ası 80 akçe Siyer-i Ebulfeth 60 akçe Ta‘lîmü’l-müte‘allim ma‘a şerh 180 akçe Dekāyıku’l-hakāyık 60 akçe Hâfız 80 akçe Şerh-i İzzî 40 akçe Mecmû‘a-i Sarf 250 akçe Dinkūz(?) 50 akçe Şerh-i Dîbâce 60 akçe Fenârî 2 120 akçe Ferâizî 40 akçe Mütevassıt 60 akçe Lügat-i Halîmî 80 akçe Mu‘rib-i Avâmil 40 akçe Şerh-i ebyât 60 akçe Nahve müte‘allık Dav’? 60 akçe Mecmû‘a ve evrâk(?) 130 akçe Kütüb 6 cild 270 akçe Defa evrâk-ı perîşân 100 akçe Yekûn kütüb-i mütenevvi‘a: 6320 akçe. Para üç hesâbınca Yemenî yorgan 360 akçe Köhne destâr 100 akçe Beyâz ihrâm 2 120 akçe Ağaç devât 80 akçe Köhne sepet 40 akçe Bardak-ı ağaç 20 akçe Tas ma‘a hırdavât 30 akçe Çarşeb zıbın ma‘a hırdavât 150 akçe Kurşun ve bal mumu 30 akçe Yekûn eşyâ: 880 akçe. Para üç hesâbınca. Cem‘an yekûn: 7200 akçe. Para üç hesâbınca Minha’l-ihrâcât: Resm-i ağa hazretleri 600 akçe Ücret-i yazıcı ve kuşçubaşı 400 akçe Resm-i âdî 150 akçe Muhammeniye ve dellâliye ve çukadâriye 220 akçe Harc-ı hüccet-i ibrâ 180 akçe Kaydiye 20 akçe Cem‘an yekûnü’l-ihrâcât: 1590 akçe. [94b] Sahhe’l-bâkī: 5610 akçe Meblağ-ı bâkī-i mezbûr müteveffâ-yı mezbûrun dâyini fahrü’l-müderrisîni’l-kirâm Mehmed Efendi b. Davud’un yedinde olan hükm hücceti mûcebince müteveffâ-yı mezbûr zimmetinde altmış iki aded yaldız altını hakkı olup meblağ-ı mezbûru ba‘de’l-isbât ve’l-yemîn ve’l-hükm terekeden edâsına hükm-i şer‘î lâhık olmağın emîn-i müşârün-ileyh yedinden bâkī kalan meblağ-ı mezbûr beş bin altı yüz on akçeyi merhûm Mehmed Efendi müşârün-ileyh ağa hazretleri yedinden tamâmen ahz u kabz etmekle ber-mûceb-i defter-i mezbûr müşârün-ileyh ağa yedinde bâkī kalmamağla bu mahalle şerh verildi.