Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 517 Hüküm no: 388 Orijinal metin no: [94b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Başbaltacı Salih Hüseyin Bey’in terekesi Mahrûse-i Galata’ya [tâbi‘] Fındıklı’da Avni Efendi mahallesinde sâkin iken bundan akdem medîne-i Edirne’de müsâfiren vefât eden Başbaltacı Salih Hüseyin Bey b. Mehmed Bey’in verâseti zevce-i menkûha-i metrûkesi Zahide Hatun bt. Mustafa ile sulbî kebîr oğlu bâliğ-i gayr-ı reşîd Mustafa Ali’ye münhasıra olduğu şer‘an zâhir ve mütebeyyin oldukdan sonra mezbûr Mustafa Ali’nin tesviye-i umûrlarına kıbel-i şer‘den bâ-hüccet-i şer‘iyye vasîsi Mustafa b. Ebubekir Efendi b. Mustafa ve mezbûre Zahide Hatun ile tâife-i bostâniyânın evlâdları üzerlerine bâ-hatt-ı hümâyûn nezâret-i aliyeleri olup mahmiye-i <> İstanbul’da bi’l-fi‘il bostancıbaşı olan umdetü’l-havâs ve’l-mukarrebîn mu‘temedü’l-mülûk ve’s-selâtîn izzetlü Mustafa Ağa b. Hüseyin Ağa b. Mehmed tarafından vekîl-i müsecceli ve kuşçubaşısı fahrü’l-akrân Osman Bey b. Süleyman taleb ve ma‘rifetleriyle müteveffâ-yı mezbûrun tahrîr ve taksîm olunan terekesidir ber-vech-i âtî zikr olunur. Fi’l-yevmi’s-sâbi‘ min-Rebî‘i’l-âhir li-seneti aşer ve mi’ete ve elf min-hicreti men-lehü’l-izzü ve’ş-şeref. Yemenî yorgan 3 400 akçe Beledî döşek 300 akçe Kebîr minder 2 420 akçe Kadife yastık 8 1600 akçe Çuka yastık 2 ve beledî 1 330 akçe Yastık yüzü 3 100 akçe Elvan velense 2, kırmızı ihrâm 1 1100 akçe Alaca kilim 2 350 akçe Def‘a kilim ve kapı perdesi 320 akçe Alaca perde 1 ve çârşeb 5 ve bohça 4 515 akçe Sagīr yastık 3 60 akçe Orta keçesi, ocak perdesi 420 akçe Orta kaliçe 1 300 akçe Kaliçe seccâde 120 akçe Servi sandık sepet 2 510 akçe Döşek yüzü köhne 1 40 akçe Siyâh yağmurluk aba 425 akçe Köhne mor çuka yağmurluk 340 akçe Kırmızı çuka barata 1 200 akçe Çuka-i koltuk 200 akçe Destâr 400 akçe Neftî çuka kaplı tilki nâfesi 1 3400 akçe Yeşil çuka kaplı tilki kürkü 1050 akçe Bogasi kaplı sincab kürk 800 akçe Mor çuka kaplı köhne tilki kürkü 1000 akçe Köhne beden kürkü 120 akçe Benefşe çuka donluk 1 2500 akçe Münakkaş çuka donluk 1 1220 akçe Benefşe çuka ferâce 2400 akçe Benefşe çuka don 1 1300 akçe Köhne çuka dolama ma‘a tavşan 755 akçe Kırmızı çuka çakşır 760 akçe Neftî çuka kürden(?) 500 akçe Mâî çuka şalvar 1 aded 190 akçe Bogasi kapama tozluk 2 720 akçe Peşkir 1, yemek makraması 1 100 akçe Köhne bogasi anteri 80 akçe Şam alacası 1 400 akçe Kumaş anteri 1 180 akçe Helalî kumaş 155 akçe Beyâz mücessem müsta‘mel 320 akçe Köhne şal 80 akçe Sîm hançer ma‘a tabanca 300 akçe Sîm bıçak 400 akçe Pirinç sâ‘at 1600 akçe Sîm sâ‘at zarfı 2 200 akçe Sîm sagīr kuşak 2 200 akçe Sîm yüzük 80 akçe Supha 20 akçe Köhne eyer kılıfı 3 4500 akçe Heybe ma‘a hırdavât 120 akçe Siyâh perde 2 225 akçe Kırmızı çevrenpûş 400 akçe Köhne garâr 6 200 akçe Sîm balta 310 akçe Çerkesî sîm raht 500 akçe Sîm kılıç 2000 akçe Kara kılıç 80 akçe Kara raht 40 akçe Boylu tüfenk 850 akçe Tabancalı tüfenk 120 akçe Tencere ma‘a kapak 2 530 akçe Kebîr sahan 4 aded 600 akçe Fener 105 akçe Güğüm 200 akçe Leğen ibrik 200 akçe Lengerî 1 ve kahve ibriği 1 ve kantar 1 200 akçe Tas 120 akçe Papuç 50 akçe Çatkı 6 aded 480 akçe Cem‘an yekûn: 383000 akçe. Para dörder hesâbıncadır. Nukūd-ı guruş 4 guruş, fî 160 640 akçe Yaldız altını 30 Fî 400 12000 akçe Yekûn-i nukūd 12640 akçe Müteveffâ-yı mezbûrun kasaba-i mezkûrede vâki‘ mülk dalyan ber-vech-i tahmîn 8000 akçe İstinye’de vâki‘ mülk kayıkhâne ber-vech-i tahmîn 8000 akçe Ücret-i …? ber-vech-i tahmîn 8000 akçe Câriye be-nâm-ı Gülistan 8000 akçe Yekûn: 32000 akçe. Para dört hesâbıncadır. Cem‘an yekûn: 82940 akçe. Para dört hesâbıncadır. Minha’l-ihrâcât: Techîz ve tekfîn 3200 akçe Mehr-i müeccel-i müsbet li’z-zevcetü’l-mezbûre 10560 akçe Der-zimmet-i Kahveci el-Hâc Osman 4040 akçe Düyûn-ı müteferrika-i müsbete 770 akçe Müteveffâ-yı mezbûrun oğlu mezbûr Mustafa Ali mahrûse-i Edirne’ye varıp 35000 akçe Dellâliye ve kâtibiye ve hammâliye, ücret-i kayık 1380 akçe Resm-i bostancıbaşı 5800 akçe Ücret-i kuşçubaşı ve yazıcı efendi 1600 akçe Resm-i âdî ve huddâmiye 1250 akçe Harc-ı hüccet-i vesâyet ma‘a harc-ı ibrâ 480 akçe Ücret-i çukadâr ağa 300 akçe Kaydiye-i defter 60 akçe Cem‘an yekûnü’l-ihrâcât: 32940 akçe. Para dörder hesâbıncadır. Sahhe’l-bâkī: 50000 akçe. Para dörder hesâbıncadır. Hissetü li’z-zevcetü’l-mezbûre 6250 akçe Hissetü’l-ibni’l-mezbûr 43750 akçe