Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 557 Hüküm no: 424 Orijinal metin no: [102a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühani Hatun’un terekesi Mahmiye-i İstanbul’da Demirkapı kurbünde Dâye Hatun mahallesinde sâkine iken bundan akdem vefât eden Ümmühani Hatun bt. Mahmud’un li-ebeveyn kız karındaşı ve hasren vârisesi olup kasaba-i Kasımpaşa’da Kulaksız mahallesinde sâkine Safiye Hatun ibneti’l-mezbûr Mahmud ile müteveffât-ı mezbûrenin bâ-hüccet-i şer‘iyye sülüs-i malını vücûh-ı birre ve hayra sarfa vasiyy-i muhtârı Ahmed Efendi b. Osman taleb ve ma‘rifetleriyle tahrîr ve fürûht olunan terekesidir ki ber-vech-i âtî zikr olunur. Fî 23 min-şehri Rebî‘ülâhir sene 1110. Yemenî yorgan 2 300 akçe Yemenî minder 2 300 akçe Sagīr beledî yasdık 80 akçe Sagīr beledî yasdık 2 ve Çarşeb 1 ve beledî döşek yüzü 1 300 akçe Köhne orta yan keçesi 200 akçe Köhne mâî ferâce 40 akçe Sepet 30 akçe Alaca sâde 200 akçe Elvan köhne anteri 3 120 akçe İpek kenârlı bez top 2 600 akçe Yeşil bogasi çatma 150 akçe Kırmızı muhattem kuşak 300 akçe Köhne yeşil çuka nîmten kürk 80 akçe Sincab nîmten kırmızı çuka 500 akçe Sîm ön kuşak 6 500 akçe Altın bilezik 1 çift 2.400 akçe Tepsi 1, tuç sahan 2 200 akçe Kurade leğen, ibrik ve tencere 120 akçe Cem‘an yekûn eşyâ, para üç hesâbıncadır, 6.420 akçe Def‘a nukūd guruş 62, zolota 1, fî 120 7.520 akçe Ahmed Efendi’den ahz olunan guruş 10 1.200 akçe Cem‘an yekûn nukūd, 8.720 akçe Cem‘an yekûn, para be-hesâb-ı mezbûr, 15.140 akçe Minha’l-ihrâcât Techîz ve tekfîn 1.200 akçe Iskāt-ı salât ve hukūk-ı ibâd ve ve sâir vücûh bâ-hüccet-i şer‘iyye 4.500 akçe Dellâliye ve muhammine 160 akçe Resm-i âdî ve huddâmiye 220 akçe Kaydiye 20 akçe Yekûn ihrâcât, 6.100 akçe Sahhe’l-bâkī, be-hesâb-ı mezbûr, 9.040 akçe Meblağ-ı bâkī-yi mezbûru mezbûre Safiye Hatun vasiyy-i mezbûr Ahmed Efendi yedinden tamâmen ahz u kabz edip vasiyy-i mezbûr Ahmed Efendi yedinde bir akçe bâkī kalmadığı bu mahalle şerh verildi.