Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 561 Hüküm no: 427 Orijinal metin no: [103a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karabet v. Sakar’ın borçlu olarak ölmesiyle Acı Yani’nin vasi tayin edildiği Mahmiye-i İstanbul’da Şeyh Ferhad mahallesi ahâlîsinden olup bundan akdem düyûnu terekesinden ezyed olduğu halde hâlik olan Karabet v. Sakar nâm zimmînin beyne’l-guremâ husûmet ve redd-i cevâba kıbel-i şer‘den vasî nasb olunan Danyel nâm zimmî meclis-i şer‘de takrîr-i kelâm edip hâlik-i mesfûr Karabet’in zimem-i nâsda olan hukūkunu ahza bir vechile iktidârım yokdur deyü ızhâr-ı acz eyledikde azlolunup yerine mahalle-i mezbûrede bâ‘isü’s-sifr hâlik-i mezbûr akrabâsından Acı Yani v. Bagil nâm zimmî her vechile vesâyet uhdesinden gelmeye kādir idiği zeyl-i kitâbda muharrerü’l-esâmî Müslimîn ihbârları ile lede’ş-şer‘i’l-enver zâhir ve mukarrer olmağın hâkim-i muvakkı‘ sadr-ı kitâb tûbâ-lehû ve hüsnü-meâb efendi hazretleri hâlik-i mezbûrun guremâsı beynlerinde husûmet ve redd-i cevâba ve zimem-i nâsda olan hukūkunu ahz u kabza mezbûru vasî ve kayyım ve ta‘yîn buyurduklarında ol dahi ba‘de’l-kabûl mâ-vaka‘a bi’t-taleb kayd şüd. Fî 26 min-Rebî‘ülâhir sene 1110. Şuhûdü’l-hâl: Nasuh Beşe b. Yusuf, İbrahim b. Ahmed, Süleyman Beşe b. Ramazan, Halil Ağa b. Ahmed