Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 661 Hüküm no: 522 Orijinal metin no: [122b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın çocuklarının vasisi olan Hasan Ağa’nın hesap defteri Mahmiye-i İstanbul’da Hasan Paşa mahallesinde sâkin olup Dergâh-ı âlî yeniçerilerinin kırk altı bölük çorbacısı olmağla sefer-i hümâyûnda vefât eden Mehmed Ağa b. Ali’nin sulbî sagīr oğlu İsmail’in tesviye-i umûruna vasiyy-i muhtârı olan sâbıkā Sekbanbaşı olup fevt olan Mehmed Ağa b. el-Hâc Mustafa’nın yerine zikr olunan sagīrin tesviye-i umûruna kıbel-i şer‘den vasî nasb olunan Mehmed Ağa b. Receb taleb ve ma‘rifetiyle müteveffâ-yı mûmâ-ileyh Sekbanbaşı Mehmed Ağa’nın hayâtında umûr-ı vesâyet-i merkūme tarafından vekîli ve ba‘de vefâtihî evlâd-ı sıgārının tesviye-i emrlerine vasiyy-i muhtârı fahrü’l-akrân Hasan Ağa b. el-merhûm el-Hâc Mustafa’nın bin yüz beş şehr-i Rebî‘ülevveli gurresinden bin yüz on Cumâdelûlâsı gāyetine gelince altmış üç ayda görülen hesâbı defteridir ki ber-vech-i âtî zikr olunur. Fî 13 min-Cumâdelûlâ sene 1110. Ber-mûceb-i defter-i sâbık para üçer akçeye olmak üzere Sahhe’l-bâkī 133.867 akçe Defter-i sâbıkda Rukiye Hatun zimmetinde gösterilip ahz olunan meblağ 13.400 akçe Zikr olunan Rukiye Hatun’a mahsûs pirinç 450 akçe Müteveffâ-yı mezbûrun hâric ez-defter bey‘ olunan çorbacı <> sorgucu 1.800 akçe Yine hâric ez-defter bey‘ olunan serhaddî kaplı paça kürkü 6.600 akçe Ve yine hâric ez-defter yeşil çuka kaplı nâfe kürkü 3.600 akçe Sagīr-i merkūmun fevt olan vâlidesinden müntakil hissesi ber-mûceb-i defter 161.910 akçe Minha’l-ihrâcât Sagīr-i merkūm hocaya verildiğinde mu‘allimine ve sâir mesârif-i lâzımesine masrûf 1.200 akçe Sagīr-i merkūmun fevt olan câriyesi techîz ve tekfînine 360 akçe Müddet-i merkūmede nafaka-i mefrûzasına masrûf 35.455 akçe Harc-ı muhâsebe 240 akçe Kaydiye 15 akçe Kâtibiye 80 akçe Yekûn: 37.350 akçe Sahhe’l-bâkī, para üç akçe olmak üzere: 124.560 akçe Be-hesâb-ı guruş: 1.038 akçe