Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 733 Hüküm no: 589 Orijinal metin no: [136a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Bey’in terekesi Mahmiye-i İstanbul’da Bostancıbaşı Ali Ağa mahallesinde sâkin iken bundan akdem vefât eden Mehmed Bey b. Abdullah’ın verâseti zevce-i menkûha-i metrûkesi Emetullah Hatun bt. Mehmed’e ve sagīr oğulları Süleyman ve Mustafa’ya münhasıra oldukdan sonra zikr olunan sagīrlerin tesviye-i emrlerine kıbel-i şer‘den vasiyy-i mansûbları Halil Çelebi b. el-Hâc Süleyman talebiyle müteveffâ-yı mezbûrun tahrîr olunan terekesidir ki ber-vech-i âtî zikr şüd. Fî 25 min-Cumâdelûlâ sene 1110. Köhne yemenî yorgan 165 akçe Köhne nîmten sincab kürk 200 akçe Köhne sarık ve kavuk 191 akçe Köhne sâde 2 9 akçe Köhne çakşır 400 akçe Sagīr sahan 2, tencere 1, kapak 2 340 akçe Köhne minder 1 ve çuka yasdık 2 280 akçe Sagīr biber kutusu 110 480 akçe Toprak saksı 35 140 akçe Hırdavât-ı dükkân 120 akçe Biber değirmeni 180 akçe Bir mikdâr sicim ve şişe 120 akçe Hurda duhân 300 akçe Duhân sutûru 2 240 akçe Cem‘an yekûn, para üç hesâbıncadır: 3.746 akçe Minha’l-ihrâcât Mehr-i müeccel 820 akçe Resm-i kısmet 90 akçe [136b] Harc-ı hücec-i vesâyet 120 akçe Kaydiye-i defter ve hüccet 30 akçe Harc-ı mesârif-i lâzıme 120 akçe Yekûn ihrâcât: 1.180 akçe Sahhe’l-bâkī: 2.566 akçe Hissetü’z-zevce 326 akçe Hissetü’l-ibn 1.120 akçe Hissetü’l-ibn 1.120 akçe Müteveffâ-yı mezbûr Mehmed Bey’in sulbî sagīr oğulları Süleyman ve Mustafa’nın tesviye-i umûrlarına Halil b. el-Hâc Süleyman nâm kimesneyi ba‘de’l-ihbâr hâkim-i muvakkı‘-ı sadr-ı kitâb efendi hazretleri vasî nasb ve mal-ı müntakillerinden hâkim-i mûmâ-ileyh vasiyy-i mezbûr talebiyle târîh-i rakamdan her birine yevmî birer para nafaka farz ve takdîr eylediği kayd şüd. Fî 25 min-Cumâdelûlâ sene 1110. Şuhûdü’l-hâl: Mehmed Ağa b. Mustafa, el-Hâc Rüstem b. el-Hâc Mehmed, Mustafa Çelebi b. Mehmed, İbrahim Beşe b. Mehmed, Muharrem Çelebi b. Receb, İsmail Bey b. Abdullah