Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 768 Hüküm no: 619 Orijinal metin no: [143a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Abdülfettah’ın oğlu Abdülfettah’a annesinin vasi tayin edildiği Mahmiye-i İstanbul’da Müftü Ali Çelebi mahallesinde sâkin iken bundan akdem vefât eden el-Hâc Mustafa b. Abdülfettah’ın mürâhık gayr-ı reşîd oğlu Abdülfettah’ın ammetesi ve vasiye-i mansûbesi olup mahalle-i mezbûrede sâkine iken bundan esbak fevt olan Fâtıma Hatun bt. el-mezbûr Abdülfettah’ın dahi verâseti mürâhık-ı mezbûr Abdülfettah’a münhasıra olmağın mürâhık-ı mezbûrun babası müteveffâ-yı mezbûra ve ammetesi mezbûreye isâbet eden mal-ı müntakillerin zabt u hıfza kıbel-i şer‘den bir vasî nasb ü ta‘yîn olunmak lâzım olmağın emânet ve diyânet ile ma‘rûfe ve mevsûfe ve vesâyet uhdesinden gelmeye lâyıka idiği zeyl-i vesîkada muharrerü’l-esâmî Müslimîn ihbârları ile lede’ş-şer‘ zâhir ve mukarrer olan mürâhık-ı mezbûrun vâlidesi bâ‘isetü’l-vesîka Meryem bt. Abdullah’ı hâkim-i muvakkı‘-ı sadr-ı kitâb efendi hazretleri Abdülfettah’ın vakt-i rüşd-i sedâdına değin vasiye nasb eylediklerinde ol dahi ba‘de’l-kabûl hizmet-i lâzımesini edâya ta‘ahhüd. Fî 11 Cumâdelâhire sene 1110. Şuhûdü’l-hâl: Mehmed Efendi b. Salih, Hacı Derviş b. Ebubekir, İbrahim Çelebi b. Mehmed, Mehmed Beşe b. (°), Mustafa Çelebi b. Ahmed