Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 792 Hüküm no: 638 Orijinal metin no: [147b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Halil Çelebi’nin Emânî Halil Para Vakfı’na borcu olduğu Mahmiye-i İstanbul’da Emânî Halil nâm sâhibü’l-hayrın nukūd-ı mevkūfesine bi’l-fi‘il mütevellî olan Hüseyin Ağa b. Mehmed mahfil-i kazâda kendiden mukaddem vakf-ı mezbûra mütevellî olup bundan akdem <> düyûnu terekesinden ezyed olduğu halde vefât eden Cerrâh Halil Çelebi b. İbrahim’in tesviye-i umûruna kıbel-i şer‘den vasî nasb olunan râfi‘ü’l-kitâb Mehmed Çelebi b. Süleyman mahzarında ikrâr edip mezbûr Halil Çelebi vakf-ı mezbûra benden mukaddem mütevellî olup işbu hüccet mûcebince mal-ı vakf-ı mezbûrdan zimmetinde edâsı lâzım olan beş yüz elli sekiz guruşun kırk guruşu mukābelesinde rehin olan işbu bir sîm sâ‘ati ben kabz etmekle müteveffâ-yı mezbûr zimmetinde mal-ı vakf-ı mezbûrdan ancak beş yüz on sekiz guruş kalmışdır dedikde gıbbe’t-tasdîkı’ş-şer‘î bi’t-taleb ketb şüd. Fî 11 min-Cumâdelûlâ sene 1110. Şuhûdü’l-hâl: es-Seyyid Mustafa Ağa b. es-Seyyid Mehmed, İbrahim Çelebi b. Süleyman, Hasan Çelebi b. Abdullah, İsmail Efendi b. Mehmed