Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 844 Hüküm no: 689 Orijinal metin no: [156b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Osman’ın küçük kızına vasi tayini Mahmiye-i İstanbul’da Bezzâz-ı Cedîd mahallesi sükkânından olup bundan akdem vefât eden el-Hâc Osman b. Abdullah’ın sulbiye sagīre kızı Âişe’nin tesviye-i umûruna kıbel-i şer‘den bir vasî nasb olunmak lâzım ve mühim olmağın emânet ve diyânet ile ma‘rûf olup vesâyet uhdesinden gelmeğe kādir idiği zeyl-i vesîkada muharrerü’l-esâmî Müslimîn haberleriyle lede’ş-şer‘i’ş-şerîf zâhir olan mahalle-i mezbûrede sâkin bâ‘isü’l-vesîka Mustafa Çelebi b. Mehmed’i hâkim-i muvakkı‘-i sadr-ı kitâb hazretleri tesviye-i umûr-ı sagīre-i mezbûreye vakt-i rüşd ü sedâdına varınca vasî nasb ü ta‘yîn buyurup ol dahi vesâyet-i mezbûreyi kabûl ve merâsimini edâya ta‘ahhüd etmeğin mâ-vaka‘a kayd-şüd. Fî 25 min-Cumâdelâhire sene 1110 Şuhûdü’l-hâl: Ahmed Efendi b. Hasan, Mustafa Efendi b. Osman, es-Seyyid Mustafa Çelebi b. İbrahim, el-Hâc Mehmed b. Mehmed, Molla İsmail b. Mustafa.