Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 868 Hüküm no: 705 Orijinal metin no: [161a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Attar Mustafa’nın terekesinin zeyli Mahmiye-i İstanbul’da el-Hâc Hasan mahallesinde vefât eden Attâr el-Hâc Mustafa b. Mahmud’un defterinin zeylidir ki zikr olunur. Müteveffâ-yı mezbûr el-Hâc Mustafa’nın hâlâ Van vâlisi olan vezîr-i rûşen-zamîr sa‘âdetlü Ali Paşa hazretlerinin bâ-temessük zimmetlerinde olup vasiyy-i mezbûr Ferhadzâde el-Hâc Mehmed Ağa yediyle ahz u kabz eylediği bin beş yüz guruş hakkından ba‘de ihrâci’l-mesârif müteveffâ-yı mezbûrun kendiden sonra fevt olan vâlidesi mezbûre Saime Hatun’un hisse-i şer‘iyyesinden sülüs-i müsbeti ihrâc olundukdan sonra zikr olunan sagīreler beynlerinde taksîm olunan meblağdır ki [ber]-vech-i âtî zikr olunur. Fî gurre-i Receb sene 1110 Müteveffâ-yı mezbûr zimmetinde olup vasiyy-i mezbûrun makbûzu olan: 1500 guruş fî 120 = 180000 akçe Minha’l-ihrâcât: Resm-i kısmet ve kâtibiye 4500 akçe Sarrâfiye 50 akçe Çukadâriye ve muhzıriye 300 akçe Mesârif-i lâzıme 280 akçe Kaydiye 24 akçe Yekûn: 5245 akçe. El-bâkī: 174746 akçe. Minha’s-sülüs an-hisseti mezbûre Saime vâlide-i müteveffâ-yı mezbûr: 11649 akçe. Sahhe’l-bâkī: 163096 akçe. Hissetü’l-bint 54365 akçe Hissetü’l-bint 54365 akçe Hissetü’l-bint 54365 akçe Kesr-i bâkī 1 akçe